كلمات اغنية مصايب نجد خالد ال بريك 2024

القريحه زادت الجرعه علي والليل ساري

كل بيت اسجله يُحسب على الشاعر جماله

مايشابه حالي الا حال جندي انكشاري

مومناً في حاجتن يرهن عليها راس ماله

قلّ مامن قل مير الله ياكثر الطواري

يمكن اروح على فالي وهاجوسي ففاله

انتقي عصماً عليها طال صبري وانتظاري

دافع الانصاف فيها اشد من حق الزماله

فيك ياعبدالملك مدحاً غلب فيه افتخاري

موقفك جمل على ربعك وحفلك ينعنى له

ياسلام الله لكم تسليم ماحوله مباري

السلام اللي من العارض ليا الحره مجاله

وان بغيتوني مرحب مرحباً والدار داري

اخدم بْها اهل الاصاله بالنيابه والاصاله

مرحبا باسم الزعيم اللي على الترحيب ضاري

الفهد يامر على ثامر وثامر من عياله

العطاوي حرّم الله مايجاريه المجاري

رقم واحد في النبوغ ورقم واحد في الشكاله

يادواهي روق يالطامة الحزب اليساري

يا مصايب نجد وامنع عصبتن واعرق سلاله

يدري الامي باساميهم ويدري الاستشاري

روس قومن تشرب الفنجال وتطش البياله

خصمهم تبكي عليه الغيد وتهل العباري

وان سلم منهم تضلي حالته ماهي بحاله

يوم صدر تركي ابن حميد تشكيلن وزاري

في رحابة نجد يتبجح ويفعل مابدا له

اعتزا في عزوه اعقل واحداً فيها انتحاري

حكمو راي المشوك واستحلوها رجاله

عزوة الهيلا يماري فيهم اللي مايماري

مجدهم مايشبه الا البدر في وقت اكتماله

كل ماقال العتيبي مالها رجال غاري

اشهد ان ماضاع له حقً صريح ولا غدا له

في حماهم طاب حظ البل ومفلاها اختياري

واهل سيفاً يضمن لْمن ينتخي فيه العداله

لا ذكرت امن الطرق باسبابهم ولا الطواري

الجهاله في ذراهم ماتعاب وهي جهاله

زاد من فرط الشجاعه صيتهم في كل طاري

واصبحو مضرب مثال يزوّد الكلمه جزاله

الصحيح ابدا وعلم واحداً ماهو بداري

هم عمام المجد ومحمد نبي الله خواله