كلمات اغنية ملاوح الامجاد خالد ال بريك 2024

ملاوح الامجاد

ابن عمي الي فالمواقف ذرا و حزام

نفاخر بطاريّه ونغليه و نحبه

مجمل بدايدنا وجمل قبايل يام

عسى الله يطول في حياتك يا ابن زهبه

سريت بمركبٍ بيصه طويل وشلت عنْه شراع

وفليته على لوحٍ كبير فراس قيدومه

ابخطه بقافٍ كل ماعرّض على الاسماع

كثر ماقال صح الله لسانك قلت محتومه

لاصارت بسم ابن زهبه فهد تنقاد لي وتنصاع

مراكب مدح مرساها على ميناه وحزومه

سلام الله على راسك سلامٍ قاصدك طمّاع

ليا منه تعدا الروس وجالك محدٍ يلومه

سلام العود الازرق كل ماضبضب وريحه ذاع

لادار فمدخنٍ جمره تساوى صدّع جرومه

ليامن ضاع بارد حيل في مدحه طويل ذراع

ابو ناصر على مدحه يجيلي قعده وقومه

على مد نظرك ماده وطيبه بحر ماله قاع

بنفنى وباقيٍ فعله مافنيت ابسط رسومه

هذا الي تكثر حموله لاضاعت فالعرب الاسناع

هذا اللي لاقصده مهموم ينسى وشهي همومه

هذا اللي لاعطى يغني ولايحصي طويل الباع

هذا اللي كل سلمٍ طيبٍ تلقاه ف سلومه

لو عزومه ثلاث ارباع وقسم اسمه ثلاث ارباع

ماتركب دام ابن زهبه يضاهي لـ اسمه عزومه

مثل مايفخرون عوال زايد في نبا فزاع

نفاخر في فهد حي معداه في ليله ويومه

لو يحجب السحاب سهيل عنا نجمه الشعشاع

ابن زهبه يهدْي الناس حتى باصغر نجومه

جبلة طيب وزود قبول ماهي تسطنع بصناع

تجي وهبه وجمعّها الولي ثنتين في هدومه

ابن عم وبني عمي نباهم طيب ذكره شاع

ياطيب الجذع لافرّع وشاخ الضل في كمومه

من زحول ال عرجاء كل رايٍ ينوخذ قطاع

لاجات اريا الكباريه بجهل وطيش مفعومه

اهل قباً لاركبو عودت حدب السيوف شباع

واهل حدٍ مطرف ندري وتدرون برسومه

يوم ان ملاوح الامجاد فوق ملاوحة مصراع

بايادينا نواصي المجد ناخذ خيرت قسومه

دلال ونعم لافاحت وعبت فيها خمس انواع

تقهوينا يوم ان الروس تخواها ومحرومه