كلمات اغنية هب ياحرب الحرايب خالد ال بريك 2024

اطيب العود يطبخ فوق جمر الغضا

واطيب البن الاشقر للمناعير سيق

عند مدهال ربعه من زمانن مضا

مدهل الجار والضيفان عون الرفيق

لو تشين الليالي لو يضيق الفضا

فزعة احمد تسدك كان شبت حريق

احمد الاحمدي بالنعم قرمن حضا

يفرقون الحروب ان جف بالوقت ريق

هب يا حرب الحرايب ليا عد الصحيح

عزوتن بين المطانيخ ما فيكم ردي

راية الامجاد من كف حربي ما تطيح

والنعم ينقال في حق من كفه ندي

الوفا في حرب عربون مَشْرا للمديح

في نشاما حرب عكف الشوارب تقتدي

ويا بني سالم من لسان يلعنها صريح

بيّض الله وجه قومن ترد المعتدي

يا جعل يفدا المطاليق رجالن شحيح

عارفينن لاقسا الوقت وقفات احمدي

شاعرن من عزوة اعتيبه الهيلا فصيح

يمدح اقرومن تعلت سما فوق الجدي

فوق عرش المجد رجال عيّا يستريح

الجمايل من وريث النشاما تبتدي

احمد مبارك حسن عز يالوجه الفليح

النعم باسمك حضر بالدواوين يحدي

احمد احمد ستر عذرن من الدنيا تصيح

عادت الجدّان ورث الحفيد الاحمدي

شبل قرمن بين الاجواد له راين رجيح

من يلوم امبارك ان قال صيتي من يدي

كايدات الوقت جاها كفو قرمن يزيح

ايه ابو امسلّم رفيع المكانه مقصدي

والله ان امسلم ان ضقت يالكون الفسيح

وبل غيثن هل بالخير يقفاه ابردي

ويا فهد شرواك لا ساق عج الوقت ريح

مسندن لطيور شلوا حزامن مسندي

باسمكم عديت ترحيب بلسانن فصيح

مرحبا ترحيب ينقال في حفْل احمدي