كلمات اغنية يالحزين الي تداري حزنك عن الناس خالد ال بريك 2024

صب لي فنجال يالي عندك الكيف وتصبه

ما يكيّف راسي الا الكيف من صفر الدلالي

واترك الي مع خياله سابحً في كل غبه

يجمع أحلامً شتات بواقعً مثل الخيالي

صدري اللي لو ذعايع الهبايب ما تهبه

صار عقلي مسرحيه للجنون و للهبالي

كن راسي فيه صوتً يشبه لصوت المنبه

الطواري لاطرت لي خاطري ماهوب سالي

من تمعن فالزمن وابطى يفكر به نشبه

وده انه لو يعّود يم الايام الخوالي

يالحزين اللي تداري حزنك عن الناس خبه

لو تشوف ان الفرح مع ضيقتك ماله مجالي

الليالي حالها ماهيب دايم مستتبه

اه من حال الليالي واه يا وجدي لحالي

المراجل ماخذوها الطيبين بدون سبه

مهرها ما يرخصونه والثمن فالطيب غالي

الردي لو يملك من المال والله ما نحبه

والكفو قدره رفيع ومنزله فألطيب عالي

واحدً ما يمتلك ف المرجله ذهن وتنبه

كيف يبغانا نقول انه من قروم العيالي

لا لقيت اللي رفيقه لا بدأ اللازم يكبّه

اتركه خله يولي جعل ما للضعف والي

الضعيف ضعيف والله تمدحه ولاتسبه

المدايح ما تنصى غير لزحول الرجالي

عشت يا راس ابلج فيه المثايل تنضربه

يدحم بجنبً متين ومتنه يشيل الثقالي

هو مطوع كل عاصي مثل ماهو طاع ربه

أبو ماجد شامخ ذكره على روس الطوالي

حفله الليله يضله طيب ما ظلله قبه

يوم جا للعود الازرق داخل القصر اجتوالي

بالنيابه قمت ارحب باسم شيخً من مربه

الكريم الساطي الي ما يحسبّ للريالي

المراجل تفتخر به والمدايح تنكتبه

سيرته عطره وتبقى سمعته طول الليالي

اسمه يشرف وفعله فالشدائد ينحسبه

ولا عطى مدة كفوفه مثل همال الخيالي

شيد القصر المشيد دون باب ودون ضبه

مدهلً للطرقي العابر والاقصى والموالي

الوفاء من عادتك رجمً على الطاله تذبه

خصك الله بالوفى يابن جزا واف الخصالي

مرحباً ترحيبةً بأمجاد أهلها مستحبه

بالرجال الي تشرف حفلنا وأهل المعالي

في حفل عبدالإله الي خذا مْن الطيب لبه

المعرب فالمراجل بين عم وبين خالي

مثل حرً ماكره قمة جبل ماهيب تبه

وان وقف سد اللزوم ولا يهاب ولا يبالي

ذخر قومً للمعادي فعلهم بالسيف طبه

له علاجً يصرفونه لا بدأ وقت القتالي

يوم كان الشر اله فتنه تجوب بكل خبه

ودورة رحي المعارك فالجنوب وفالشمالي

لاعترضنا من نغزه ابليس وأغواه ولعبه

نعدله بالفعل حتى يمشي الدرب العدالي

من بني غالب والاسم لحاله أصلا ينغلبه

عاش الاسم وعشت ياراسً يطول ولايطالي

طيبنا ماهوب جاين ف آخر الأيام هبه

ورثنا وجدودنا بالفعل حامين التوالي

الجدود الالاد عاقل والوغاء ناره تشبه

الرجال اللي خلقها الله مثل صم الجبالي

من مطير الي ليا جاها العدو مطحون حبه

مجدهم ما يلحقه شكه ولا حوله جدالي