كلمات اغنية ياوكر السحيم الي ورا سكة البيب خالد ال بريك 2024

ياوكر السحيم اللي ورا سكة البيب

ورا اليوم ذيبك مايجاوب خويه

له الطيب من اعيال حرش العراقيب

حقوقه ماهيب الطارف من الرعيه

ماطاب السمر لـ مدور الونس ياذيب

تقاسيم صوتك عندنا ( عالميه )

غياهيب يابعض الطواري غياهيب

للاي اتشّيم عودت ( عنجهيّه )

من الحره السودا وهاك الشخانيب

ليا العارض اللي عزوته وايليه

'

عتيبه هل التاريخ والمجد والطيب

واهل عزوةً تخلف مسار العبيه .!!

'

صهيل الخيول ودرهمت شمخ النيب

يبا لابةً تارد حياض المنيه

'

ماسدنا ( بتزييف ) الفخر والاكاذيب

يعلم بنا العارض جبال الحويه !

'

ويكفيك موقعنا عن الشك والريب

اشداد السنام النا بنجد العذيّه ..

'

وكم قافرٍ لاجا لنبته نبانيب

محد يدهله قدامنا بالرعيّه !

'

معازيب حتى في ديار الاجانيب

نجي ونعمرها بالعزوم القويه

'

وتامن بنا اللي ماتمزّع جناديب

وترتع وتستانس فالارض المريّه

'

ودون الوطن حنا السيوف المحاديب

وحنا سلاح القوه العسكريه .

'

نبيع العمار الغاليه بالمشاهيب

لازاد الخطر زادت بنا المعنويه

'

لو الرمي بين الترقوه والتلابيب

دروع الوطن حنا سريه سريه

'

وضباطنا خريّجهم فالمراقيب

مرب الحرار الندر الصيرميه !

'

حماة البلد واهل الوفا والمواجيب

جنود الملك سلمان في كل هيّه

'

ومكارضهم بين السراحين ترهيب

ومركازهم ، في راس عيطاً جلّيه

'

والى اشّر ولي العهد مافيه تجنيب

تجي عاصفتهم في عداهم قويه

اوامر ولي الامر عذب المشاريب

تنفّذ بطاعه مطلقه لـ الهويه