تاريخ طرح اغنية خالد ال بريك الجديده يضيق صدري من ضجيج الناس
٠٧ أكتوبر ٢٠٢٥
كلمات اغنية يضيق صدري من ضجيج الناس خالد ال بريك 2025
الله من قلبً من التفكير والضيق مهموم
من واقع التجريب والايام جاه اللي كفاه
ادوي مع الافكار في غبت بحر واسبح واعوم
واخذ مع الغبه مدى واقول يالله النجاه
يضيق صدري من ضجيج الناس منحولي واقوم
ولايشرحه غير الكلام الجزل وفعول الدهاه
وياهاجسي جت حزتك جت وقفتك وقت اللزوم
وانا اخبرك في لازمي دايم تشد الانتباه
لاصارت الدعوى حمايا ووصلت نفذ الكموم
الراس يقدح من سطر ماهو بيحتاج لوصاه
يابو بدر تبشر بعزك ياعسى حظك يقوم
ميقافنا واحد وكلن موقفه قام وحماه
ذخر رجاء بندر بدر ياجعل تفداه الرخوم
ماهو غريب الطيب من راسه وراس اللي رباه
جاب البكار اللي تسر العين وتغيض الخصوم
غزايزن ترهي على الاول ومعطيها غلاه
في شف حسكات الوبر مايلتفت للي يسوم
يشقلب ارصدت البنوك وللتفت للي وراه
شامخ سوات طويق قرم ومن مذاخير القروم
كم واحدً حاول ينافس بندر وخيب رجاه
حرً ينومس فالهدد دايم عن الهزله يشوم
نومس عتيبه وراتكى والله يعين اللي نواه
يمشي على نهج الجدود وحافظً كل السلوم
مثله يشرف لابته واسمً رفيعً مستواه
حنا عميراتً بنا التاريخ يفخر كل يوم
وادى الرشا يشهد ويشهد نجد الانجد وومراه
من وقت مرزوق المسمى ندحم بجنبً دحوم
بيت الأماره اسسه والناس عاشت في احماه
امارته بالسيف اخذها ماهو بحب الخشوم
ولاجاته بحب اليدين وللكتوف وللجباه
اسمه يسطر بالفخر من قبل توزيع الختوم
دون القبيله يرتكي مايحسب حساب الحياه
عقب شيوخ مجدهم طال الكواكب والنجوم
تحت بيارقهم مشو شيخان وازدادو غناه
سادات قومً وقسمنا دايم من خيار القسوم
من هيبت الاسم الشهير تعيش الاسماء في ذراه
حزنا الفخر يومنها مابين حاكم ومحكوم
بينا القبايل فعلنا قامت تناقله الرواه
اعزومنا من فضل ربي دايم تفوق العزوم
مقدم عطيه نملك الامجاد من كل اتجاه
مغايره يوم الفخربالشلف وبنطح السهوم
نرمي بغالي الروح لو العز غالي مشتراه
عتيبه الهيلا الدهاه المجد والبحر الطموم
بحرٍ من الأمجاد والأمداح مايحصر مداه
عتيبه الهيلا الحرار اللي على القمّه تحوم
لطامة العايل عتيبه للعدو داه ودواه
عدونا يونس على كبده مثل حمو السموم
ورفيقنا ماقد شكى من ضيقت الوقت وعناه
والفضل للي مد جوده شاملً خلقه عموم
تحت جباروته خضعنا نسجد ندور رضاه
نزل علينا نعمة الامن وعسى النعمه تدوم
وخلا بلدنا موطن الاسلام قبلة للصلاه
اغنية يضيق صدري من ضجيج الناس خالد ال بريك 2025 بالكلمات مكتوبة كاملة تم طرح اغنية خالد ال بريك الجديدة على القناة الرسمية على اليوتيوب بتاريخ ٠٧ أكتوبر ٢٠٢٥ كوبليه كلمات اغنية
