كلمات اغنية وشلون تنسين خالد الدهيري 2025

وشلون تنسين

الهاجس اللي دايمن اشكي له

ويترجم الشكوى على لسانه

قبل يهد طاري الفرقا حيله

وشلون حالي و حالتك يا فلانه

يا دمعي اللي فوق خدي سيله

سيل المزون ؤ ارضها شفقانه

براقها كل البشر اتخيله

طافت وكبدي منها عطشانه

وين الذي يروي خفوقي الليله

النفس من صده وهي وجعانه

ليت الليالي تذكره بخليله

خلن رخص كل غالين من شانه

يا خالد إن كان بتشيل الشيله

ابيك تفتح صدري ؤ بيبانه

صوتك علاج لكل جرح اشيله

تأثير فعله واظحن فالحانه

يا النادر اللي فارقن عن جيله

شيهانتن ماهي بأي شيهانه

وشلون تنسين الوفا يا كحيله

العهد وينه من هو اللي صانه

ماهي اصول الحب يا الاصيله

تصلين كبدي بصدك و هجرانه

يا وجد قلبي الليله و يا ويله

الليل يشهد حزنه ؤ وجدانه

ليت الشعور اللي يجيني يجيله

ويشعر بأحاسيس الهوى ونيرانه

ويمسح دموعه في طرف منديله

ويعرف مكانه في صدر خلانه

وضلوع صدري دايم تنادي له

دام الوفا عنواني و عنوانه

ليته يعود لصاحبه الليله

يرجع و يحضن غالين ما خانه