كلمات اغنية مرحبا به درع المري 2026

هلا يا مرحبا به يوم جاني

لو أني منه مجروح وصويب

عويد الراك والا الخيزراني

عيون الحر والساس العريب

سباني بالجمال .. اللي سباني

و يا ربااااه يالزين .. العجيب

وجودي يوم بسهومه رماني

وجود اللي من سهومه عطيب

و حظي فيه مجلي .. الثماني

وحظ شفاه بالهرج .. اللبيب

مكانه ثابت بين المحاني

وحتى لو نوى مني يغيب

غريب أحب غيره شخص ثاني

وبس الحب له ماهو غريب

اجي في كل ( درب ) له حداني

و أعشق الدرب لو دونه قنيب

انا ماهمني .. لوه .. جفاني

كثر ما همي اشوفه قريب

أحنه و أتحسف في مكاني

و أوكل لأمر للي ( يستجيب )

و لا ترك كل ما يفعل عشاني

ما دامٍ فوقنا ( حي ) رقيب