كلمات اغنية هني المعاافا ربيع اليامي 2023

هني المعاافا

ياوجودي على مضنون عينـي = وجد من طاح وارهى به عدوّه

طاح من عقب ماطاحت ذلوله = وافقـوه اربعيـن بـوارديّـه

كل واحد رمــــاه بطلقتينـــــي = شاف ماله بهم حيل(ن) وقــوة

لا رفاقه ولا عذر(ن) يقوله = سلم امره لخــــلاق البريـــة

لا رسالة ولا خط(ن) يجينــي = انتحى واختلــف نــوي ونـــوه

اتمنى وانا ما نيــب حــوله = راح يــم الديــار الاجنبيـــــة

هل دمعي وجرح وجنتينـــــي = صار ما لي على خلي اجــروه

كن دون الغضي عشرين دوله= واحلالا ه دام النفس حيــة

ليتها بين اهل خلي وبينــــــي = كان اخاطر بروحي واتفــــوه

كل رجل(ن) يذكــر في فعــوله = كان هي طيبة والا رديــــة

من عيونـه طعنــي حربتينــي = صوبن اسفل القلب وعلــــوه

وين انــا والحيـــاة الله يهولــه = ويش يبري الجروح اللي خفية

في حياتي جرحني مرتينــــي = جرح كامي وجرح(ن) منه توه

جرح توه وجرح حال حولــه = واهني المعــافــا وا هنيـــه

التفت من يسار ومن يميني = وازهم اهل الحمية والمـــــروة

لو يصيح المصيع ما عنوا له = كيف راحت من الناس الحمية

كن عوده مثل عود الرديني = في يد الفارس الظفــر المفــــوه

ما بعد شفت زول مثل زولــه = من عرفته وانا عيني شقيه

كان قلبك على الفرقا متيني = سوبــي ما تبــي يا زيــن ســوه

كل كبد من الحب مغسولــــــة = ما لها بالهوى شف ونحية