كلمات اغنية مر عمري روان 2024

الهوى ناشني من صوب نجد الرفيعه

يوم روحي على الضلع القصيّر مكنها

ما تحرص خفوقي يوم ذبيـت ريعه

في خلا الضيق والسجات روحي سجنها

ومر عمري وأنا بين الرجاء والقطيعـة

لين فاتت ركايــبهــا وقفــى ضعنها

ولين جار العــنا والعمر عدا ربــيــعه

وضيقة الوقت حطت في ضلوعي رسنها

وصرت مثل الكريم اللّي مضيع وديعة

وحده القل ما يقدر يوفي ثمــنهــا

وكن في الرأس حربٍ مثل حرب الوديعة

والطواري تـشابك في نواحي وطنــها

ولـج صوت الحـزن كنـه مواويـل شيعة

لين مس الحــنايا والجوارح شحنــهــا

وما يكلــفك ربي فــوق ما تســتطيعــه

سج يا قلب عن ضــيق الحيـاة وحـزنها

وما تزحــزح جبال وما تغــير طبـيــعة

‏ ومرجلة راسي اللّي ما تنــازلت عنـــها

‏ولو تشــح الدروب ولو تضيق الوسيعة

‏ أضحك مْن السنين اللّي تخــافون منها