كلمات اغنية ألف مبروك زياد الدساس 2020

ألف مبروك 

قولتى كلام وجعنى و بعدك حُزنى صابنى

إنتى إتجوزتى يعنى و صوانى إتنصبلى

قولتلك " كل اللى فات ننساه و نفتح صفحه جديده "

مش عدل فى بُعدك انى اعيش تعيس و ألقاكى سعيده

على فكره .. لسا فاكر كل حاجه بينا

كنت هقولك " نرجع " بس سكت لما لقيت فى ايدك دبله

قلبى مِنغز .. لسّانى مش مصدق

وعدتى تغيرينى و اتغيرت لكن للأسوء

شوفتك فى كل بنت عيشت حزين و شيبت

قولتى " انا مين " و ضحكت بس كإنى كان فى قلبى سم

محكيتش و سكت و انتى ارتاحتى لما تعبت

قولت " وحشتك " قولتى " زهقت " و مش مصدق انا فى حلم

انا كنت بشوفها فى كل حته من قبل ما اتسطل

هى و هو لبسوا دِبَل و انا لوحدى قلبى دِبِل

و مش هتعبك .. انا كنت جاى ابارك

حبيتى ضحكتى فـ انا فضلت حزين فى غيابك

----

اوقات بكون مشتاق و اتمنى تانى اشوفها

قولولها ترجع تانى و عادى انا مقدر ظروفها

حنيتلها .. و اتوحشتها .. و نِفسى إنى ارجعلها

ده حتى لما سابتنى قلبى سابنى و راح عندها

--

اوقات بكون زعلان و اتمنى انها ترجعلى

قولولها " زياد تعبان " انا عارف انها بتسمعنى

سابتنى و بعدت عنى و قالت ان انا سيبتها

ربنا يخليها للى خدها و خد مكانى جمبها

----

قلعت ماسك الحُزن لبست البدله و جيتلك فرحك

غصب عنى عينى خانتنى و بان قدام عينيكى ضعفى

قولتلك " متسيبينش " و بكّيتينى و انا فرحتك

كنت فى صفك و انتى وقفتى فى صفه موقفتيش فى صفى

عليتينى فى قلبى و خليتينى اخبى زعلى

و تعبتينى و قولت " عادى فداكى " و قالوا " مش هتنفعلى "

اه يانى .. مبكيانى و مبسوطه بـ احزانى

فرحانه و عايشه سعيده و انتى فى حُضن حد تانى

انا مش عارف ايه اللى خلانى بشتاقلك

انا حزنت بعدك لما لقيتنى لوحدى و هو جمبك

انا مش عايز عطف خطفتى منى الضحكه خطف

انتوا الاتنين كنتوا زى بعض فعلاً نفس الصنف

اتزفتّ و هى اتزفت اتكفنت مجاتش عزت

عيطت مطبطبتش كإن ساعتها إيدها إتشلت

انتا سيبت كل الناس عشانهم بس هما سابوك

بصيت فى عينها ضحكت و قولتلها " ألف مبروك "

----

اوقات بكون مشتاق و اتمنى تانى اشوفها

قولولها ترجع تانى و عادى انا مقدر ظروفها

حنيتلها .. و اتوحشتها .. و نِفسى إنى ارجعلها

ده حتى لما سابتنى قلبى سابنى و راح عندها

--

اوقات بكون زعلان و اتمنى انها ترجعلى

قولولها " زياد تعبان " انا عارف انها بتسمعنى

سابتنى و بعدت عنى و قالت ان انا سيبتها

ربنا يخليها للى خدها و خد مكانى جمبها

----

ايه اللى جد قلبى اتهد عيشتى تمام و انا محتاجك

مش كنتى بتتمنى انى اكون انا اب لـ كل ولادك

ايه اللى اتغير .. قليتى منى و خليتينى صغير

انا مش كويس ولا هكدب و همثل ولا هستكبر

مش كان ده مكانى .. ايه خلاكى بس مش عايزانى !؟

كله بارك ليكى و قلبى مات و محدش جه و عزانى

قالولى " هتبيعك " و قولت " لأ أكيد هتصونّى "

شربت اول كاس و لقيتنى بسأل ايه جابك فى حُضنى !!

طيفك حاوطنى و النصيب حاربنى .. مش عارفنى

عيطت مطبطبوش انا ليه محدش بقى شايفنى !؟

كله فرحلك بعدتى بس سيبتى فى حُضنى ريحتك

انا بحبك " مش بحبك " لأ بحبك انا صارحتك

هل كان الغلط منى لإنى أنا كنت بصدقها !!

احلامى اتحرمت عليا و حد غيرى حققها

حزنت .. كلاكيت للمره المليون اعاده

" يوم فرحك " شربت الشربات فـ اشربى فى عزايا القهوه الساده

----

اوقات بكون مشتاق و اتمنى تانى اشوفها

قولولها ترجع تانى و عادى انا مقدر ظروفها

حنيتلها .. و اتوحشتها .. و نِفسى إنى ارجعلها

ده حتى لما سابتنى قلبى سابنى و راح عندها

--

اوقات بكون زعلان و اتمنى انها ترجعلى

قولولها " زياد تعبان " انا عارف انها بتسمعنى

سابتنى و بعدت عنى و قالت ان انا سيبتها

ربنا يخليها للى خدها و خد مكانى جمبها