كلمات اغنية احلى واحده زياد الدساس 2024

النهارده اجمل يوم في حياتي عشان عرفتك فيه

مش عارف اوصف حاجه ولا لاقي انا كلام احكيه

ما الملايكه متتوصفش يعني زي البني ادمين

انتي احلى شئ حصلي في كل الدنيا دي

انا قبلك كنت حزين و كنت وحيد في وسط اللمه

قابلت ناس كتير و كل الناس دي كانت سامه

انتي نور عينيا .. ما طبيعي ما كنت قبلك اعمى

نورتي كل حياتي اسمك فعلاً على مُسمى

شروق .. لما بتضحكلي كل الدنيا تروق

نظرة عينيها خمره و انا سكران مش عايز افوق

نورت كل الضلمه و بوجودها انا بقيت مبسوط

مش ببالغ بس بجد لو بعدتي عني هموت

يا نني عين زياد .. يا روح و قلب زياد

الحلوه اللي مفيش منها اتنين عشانها يتفاتلها بلاد

لو حتى روحتي لـ فين عمرنا ما هنكون بعاد

يا ام زين يا ماليه العين يا اجمل من كل البنات

معايا احلى واحده تسوى الدنيا و تسوى ناسها

هفضل دايماً سندها و هفضل ضهرها و ونسها

هفضل امانها و عمري ما هقدر ابعد عنها

و مهما المسافات هتفرقنا محدش غيرها يملى مكانها

من بدري بتمناكي يا احلى حلم حلمت بيه

قلبي لما لقاكي حس الكون ده كله بين ايديه

بفضل اعيد و ازيد في كل ڤويس نوت بتبعتيه

و اللي يبصلك بصه مش عاجباكي بـ ايدي اخزقله عينيه

و من غير ليه .. حبيتك حب محبيتهوش لحد

حياتي كلها بقت وردي و لو غيبتي هتسود

آمنت بـ حب اول نظرة بعد ما قلبي بنظرة اتشد

و معاكي اكتشفت ان دي اول مره احب بجد

دي ملاك من السما و لما جت خلتني في هنا

محدش هيحبك قدي انا .. محدش يتقارن جمبها

معاكي عيشت احلى سنه .. جمبك كل العمر اتبنى

و قلبي ده مبقاش ملكي ما خلاص انا سيبته هناك عندها

يارب تفضلي جمبي لأخر عمري قولي " امين "

حبك ده عايش فيا ما انتي بتجري في الوريد

مهما كنتي بعيد وجودك عيد مع بعض مكملين

شكلي بحب جديد .. بحبك من اول و جديد

معايا احلى واحده تسوى الدنيا و تسوى ناسها

هفضل دايماً سندها و هفضل ضهرها و ونسها

هفضل امانها .. و عمري ما هقدر ابعد عنها

و مهما المسافات هتفرقنا محدش غيرها يملى مكانها