كلمات اغنية ارقص يا معلم زياد الدساس 2023

يا عزيزي .. كنت جمبه ما نابني غير تعجيزي

و الحياة من دوني Easy يا دنيا بتاخدي حبيبي و فيا تغيظي !

فينه حبيبي فينه ؟ .. راح شاف غيري احلى في عينه

مد ايدينه و طعني بـ سكينه و رد دينه و هبأ

انا قلبي هدأ اما دماغي زحمه و مدد مدد

كنت وتد قلبي ودد فيك لكنه اتحسد

كله اتقلب .. مش هقلد .. كام شخص في حياتي استبعد

ماضي مع الاحزان عقد احتكار و اهي في قلبي بتستعبد

حزني باقه و الحياه بتجدّد .. حزنت ما حاجه جدّت

الفرح دين و اديني بسدّد قلبي كوره و سدّد

يعني شاط .. قلبي اتحرق و شاط من العياط

سيبت البارات و رميت خمرات ما لقيت مصباح ولا بساط

علاء الدين ملقيتش كنز و اتداريت ما بينت

ربك ما يبتليك بـ ابتلاء في هيئة " بنت "

لو كنت فضلت بسأل " ليه ؟ " كنت انا ألحدت

سامحت لكن سمعت صوت جوايا " اوعى ترحم حد "

فيه ايه بقى ما انا بتألم .. كام مرّه احزن و استسلم

كام مَره خليتني اتقدم و كلامي في قلبك بيعلم

سكت انا مش هتكلم طب قبل ما تمشي سلم

ارقص يا معلم اهو سابني لوحدي و قلبي اتعلم

ما شالني غير سريري مهما اتقلّب قلبي يميل و يدبدب

عايش في الدنيا اتأدب كانوا في ضهري و اتّب

بالفرح كافر .. مش هعافر .. كنت ضلك ساتر

و اللي خد مكاني عندك كان ببعته يجيبلي سجاير

و يا ماي هارتي .. شيلت خسارتي اما اتبطرتي

فجأه قلبي قال لـ سجارتي : احلى مسا يا جارتي

مش متضايق .. لكن من الاحزان مبقتش الاحق

مش متضايق .. و اللي بيسقط من نظري ملوش ملاحق

نهشوا في قلبي نهش ديابه و كله كان عمال يتغابى

راضي بـ غيابك .. ربك مبينساش الغلابه

قولي يا كدابه .. كملي سكتي ليه يا كدابه ؟

مستنضفكيش تيجي ترقصي في فرح عندنا في " امبابه "

هزّي .. انسي .. بلاش تيجي تقولي " اتجوزني "

و خدي معاد قبل اما تكلميني انا جمهوري عاوزني

و اتفضلي المقابله انتهت الباب يفوّت جمل

و انا هفضل عندي امل ولا يهزّك ريح يا جبل

فيه ايه بقى ما انا بتألم .. كام مرّه احزن و استسلم

كام مَره خليتني اتقدم .. و كلامي في قلبك بيعلم

سكت انا مش هتكلم .. طب قبل ما تمشي سلم

ارقص يا معلم .. اهو سابني لوحدي و قلبي اتعلم