كلمات اغنية البقاء لله زياد الدساس 2023

كنت ساند كل الناس مع ان كله كسر فيا

انا الليله دي حاسس ان دي اخر ليله ليا

و كتمة نفّسي ديا دليل على ان نهايتي هانت

انا من اول ما اتولدت و كل حاجه فيا ماتت

يا ابويا .. معادتش فيه افراح و انا نِفسي ارتاح

و عارف انك مش هتزعل و تقول " خد الشر و راح "

بقيت بخاف من كل الناس و ده كان ناتج تربيتك

و انا اسف ان ضربك ليا وجعلك ايدك

مسمعوليش تنهيده و كنت بعيط وسط الضلمه

كنت متعشم منك في اخر ضمه هتوحشيني يامه

بالرغم ان انا دلوقتي ميت لكن قلبي جمبك

و انا اسف جداً اني فشلت افرح قلبك

و انتوا .. هيعدوا الوقت و تنسوا اسمي انا عارف

في وسط القعده مش هتحسوا انكوا ناقصكوا واحد

هتعدي ايام و كل حبايبي هيتناسوني بسهوله

و مش فارقه اني مُتّ ما هي مكانتش موتّي الاولى

كان جدع و حنيّن عمره ما بيّن اي حاجه

كان طيب و كويس و اتحول بياع كئابه

البقاء لله ادعوله عشان ده كان غلبان

و كان بيحب كل الناس و مكانش نِفسه يكون دساس

نهايتي مش هتكون مأساه انا واحد كل الناس ناسياه

بالرغم اني مُتّ بسببك انا شايفك معاه

مدمعتيش و مزعلتيش عليا و قولت " راجعه "

كله نسيني و انتي نسيتي و منزلتش عليا دمعه

و انتي .. كنت فاكرك هتفرحيني و تنسّيني

نسيت كل اللي فات عشانك بس انتي نسيتيني

انتي اقنعتيني ان كلكوا كنتوا زي بعض

هو حَضنك وقت ما انا حَضني القبر تحت الارض

كنت و انا في حضن كل واحده بفتكرها و احزن

مقالوش " ربنا يرحمني " يعني مُتّ و قالوا " احسن "

مكنتش يوم هسيبها لو كنت في مكانها

كنت عايزها تعرف بس كام واحده اتظلمت بسببها

احلامي دايماً كانت قدام عينيا و غيري بيحققها

يعني انا مكسبتش دنيا ولا كسبت اخره

انا عمري ما ارتاحت .. و اديني فوق و اديكوا تحت

انا كنت هم كبير على قلب حبايبي بس انزاحت

كان جدع و حنيّن عمره ما بيّن اي حاجه

كان طيب و كويس و اتحول بياع كئابه

البقاء لله .. ادعوله عشان ده كان غلبان

و كان بيحب كل الناس و مكانش نِفسه يكون دساس