كلمات اغنية توأمي 2 زياد الدساس 2023

 توأمي 2

انا الغلطان من الاول ..

انا اللي كنت مكمل اشوف عيوبك عادي استحمل

كل ليل في دماغي ناس بتهلل

شوفتك جمبي و قولت " بحبك " قالوا " ده شرب و تقّل "

من الاول كنت بسامح ياما و اعدي

فـ شيلت همي لوحدي .. رجعت لـ اوضتي ببكي

و اعتبريه تحدي .. وريني ازاي هتعيشي بعدي ؟

شكّيت و طلع كان في محله شكّي

دلوقتي انا باكي .. على عمري اللي انا ضيعته معاكي

حاولت كتير اكرهك لا كرهتك ولا عارف انساكي

و انا كنت بولع .. فـ طبيعي اني محسش بـ دفاكي

ليه كارهاني محسساني اني بطفي سجايري في قفاكي

جربتي بعدي كام واحد و باعك ؟

على فكرة انا عمري ما كنت هسيبك لو كنت في مكانك

كله سابك .. بعد اما قفلتي في وشي بابك

قُصر الموضوع إن انتي لعنه و انا ملعون بـ غيابك

----

إلى متى ستتألمي .. لا تخصيني ولا تلزمي

حلفت اني هعيطك عليا و هتندمي

كنت اروح مش عارف رايح فين و ألاقيكي بيه بتحلمي

كُنا روح متقسمه في جسمين و الحزن بقى توأمي

--

و منين ما اروح ألاقي جروح دايماً تلازمني

خلي قلبي خرب عندك .. انا خلاص مبقاش لازمني

ارقصي و هزي .. فضلتي فيا بتستفزي

انا و الحزن ايدين في كلبش يعني خلاص اصبح توينزي

----

مش مهم .. اديني صحيت من الحلم

طعنتني بـ خنجر فيه سِم عايش بس مجرد اسم

اعلنتي حربك وقت ما جيت طلبت سِلم

انا افتكرتك صادقه و إن بعض الظن اثم

ميهمش .. عدى الوقت و متعلمتش

حزنت و متكلمتش .. لا بنام ولا عيني بترمش

ميهمش .. لما بعدتي انا مزعلتش

قالوا " محبش " جراحهم لمّت جرحي ليه ميلمّش ؟

عارفه ؟ .. لو شوفتك صدفه مش هشوفك اصلاً

بس ده مش معناه اني اعمى لا ده معناه انك ناقصه

بس بقى خالصه ما بلاها قمصه مش هستنى انا منك بصه

و بـ صفه خاصه .. حزني اتربص تسمحيلي بـ اخر رقصه ؟

ما انتي حافظه مش كل اللي يروح برجعله

و اللي فاكرني هموت عليه لا ده يبقى اتجن في عقله

قلبك فيه ايه يشفعله ده من فات قديمه تاه

في الحياة حاجات مهمه و انتي مش منها يا " حياة "

----

إلى متى ستتألمي .. لا تخصيني ولا تلزمي

حلفت اني هعيطك عليا و هتندمي

كنت اروح مش عارف رايح فين و ألاقيكي بيه بتحلمي

كُنا روح متقسمه في جسمين و الحزن بقى توأمي

--

و منين ما اروح ألاقي جروح دايماً تلازمني

خلي قلبي خرب عندك .. انا خلاص مبقاش لازمني

ارقصي و هزي .. فضلتي فيا بتستفزي

انا و الحزن ايدين في كلبش يعني خلاص اصبح توينزي