كوبليه ما هي كلمات اغنية ستيتش 2 زياد الدساس ...؟
تاريخ طرح اغنية زياد الدساس الجديده ستيتش 2
١١ سبتمبر ٢٠٢٥
كلمات اغنية ستيتش 2 زياد الدساس 2025
ستيتش 2
قالت " مش عاوزاه " و كلامها ده كان طبنجه متعشقه
لو كان ده مقلب عاملاه فيا ارجوكي كفايه بقى
قوليلي انا امتى ارتاح عشان مشوفتش الا الشقا
كنت فاكرك طوق نجاه طلعتي في الاخر مشنقه
و إن جيتي للحق .. النص الابيض فيا اسود
يمكن اكون اخترت غلط بس انا حبيتك بجد
منسيتش اخر كلام و كل اما انا بفتكره اتهد
" عشان خاطري متمشيش خليكي معايا انا مليش حد "
ستيتش مشي .. و انتي وسط صحابك بتفرفشي
كل اللي فات ده مات طب ليه جايه في قبره و تنبشي ؟
ذنبي هيفضل في رقبتك مش هتنامي ولا ترمشي
قولتي إن انا معملتش حاجه عشانك طب يا شيخه اختشي
بقول " نسيتك " بس كل يوم مشاعري يميلوا
صحيح حبيتك بس قلب العاشق مش دليله
هتقوليله حبيبي ؟ .. مش فارقه عادي خلاص قوليله
ستيتش مشي .. و انسي يا ليلو مش هترجعيله
----
جوايا حاجات بتعافى منها و لسا منتهتش
حزين بجد مبمثلش عشان الم ريتش
في عيوني دموع مبتنزلش لسا بحن مبتعلمش
كنت ستيتش و متحبيتش هي مشيت و انا ممشيتش
--
هكون كداب لو قولت إن انا نسيت و مبفتكرش
عملت كل حاجه عشان نفضل و منفركش
حزني يزيد و مش بيكش لسا حزين انا و منكرش
كنت ستيتش و متحبيتش .. هي نسيت و انا منسيتش
----
ازيك .. انا عارف انك عايشه كويسه
مقصدتش اضايقك بس انا كنت معدي و برمي المسا
وريتها ابن الاصول .. ورتني هي كيد النسا
مترجعيش بيباني في وشك متربسه
اخرجي و سُكي الباب .. انا قلبي في الانعاش
اكتر واحده اتحبت مني دايره تقول محبيتهاش
القهوه مكبيتهاش .. دمعه في عيني مخبيتهاش
7/7 و 19/10 تواريخ منسيتهاش
واحد تاني .. قالها بحبك غيري و مسك ايدها
واحد تاني .. سهرانه معاه دلوقتي و بيكلمها
واحد تاني .. حكيتله عني و قالتله اني كاسرها
بس مقالتلوش اني بـ واحده " وحشتيني " بس هجيبها
كان قلبي بيحارب عشانك و انتي اللي حاربتيه
هزمت الف واحد حبك و هزمني اللي حبيتيه
و انا قلبي مش ازاز عشان يا حلوه تكسريه
ستيتش مشي .. و انتي يا ليلو اللي بـ ايدك ضيعتيه
----
جوايا حاجات بتعافى منها و لسا منتهتش
حزين بجد مبمثلش عشان الم ريتش
في عيوني دموع مبتنزلش لسا بحن مبتعلمش
كنت ستيتش و متحبيتش هي مشيت و انا ممشيتش
--
هكون كداب لو قولت إن انا نسيت و مبفتكرش
عملت كل حاجه عشان نفضل و منفركش
حزني يزيد و مش بيكش لسا حزين انا و منكرش
كنت ستيتش و متحبيتش .. هي نسيت و انا منسيتش
اغنية ستيتش 2 زياد الدساس 2025 بالكلمات مكتوبة كاملة من كلمات Zeyad El-Dassas والحان Zeyad El-Dassas وتوزيع Zeyad El-Dassas تم طرح اغنية زياد الدساس الجديدة على القناة الرسمية على اليوتيوب بتاريخ ١١ سبتمبر ٢٠٢٥ كوبليه كلمات اغنية
- كلمات : Zeyad El-Dassas
- الحان : Zeyad El-Dassas
- توزيع : Zeyad El-Dassas
