كلمات اغنية شكراً زياد الدساس 2024

خدتني الدنيا من ايدي و حطتني في سكة الاغاني

و كأن المزيكا كانت زي النداهه و نادهاني

في اكتر من 100 اغنية حكيتلك عن حاجات واجعاني

و كل الناس كانت بتسقف و يقولولي " زود تاني "

اغنية تجر في اغنية .. و اللي فيا لسا فيا

حكيتلك في الاغاني كل امراضي النفسيه

مره عن صاحبي اللي غاب و مره عن فرحي اللي غاب

مكنتش لاقي احباب ما كتير ربيت و طلعوا كلاب

و من وسط الاحزان لقيت بيكبر النجاح

بكسب حب ناس و اعاشر ناس و افارق برضو ناس

دلوقتي خلاص نجحت و الدنيا ادتني المفتاح

و دوست على كل اللي باعني و بـ كده انا بقيت " دساس "

و ده مكانش كبرياء .. ولا كان غرور

كل اللي كان كارهني زمان اصبح من الجمهور

لما وقعت عرفت معنى جملة " الحياة بتدور "

عرفت مين كان جمبي عشاني و مين كان جمبي عشان مشهور

شكراً عشان وقفتوا جمبي لحد هنا

و اتمنى تفتكروني لما اغيب و ابطل غنا

مهما زادت الضغوط و زادت احزاننا المُزمنه

هنفوق و نشوف ربنا عوضنا و بنحقق حلمنا

كنت في كل تراك بحكيلك زعلي و نِفسي كلامي يتحس

مكنتش عايزك تزعل ولا عايزك تتضايق بس

كنت بحكيلك مشاكلي عشان تتعلم منها درس

علشان تقوى و تنسى و ازرع فيك كرامة و عزة نفس

ما انا عيشت و شوفت كتير و ياما حضنت في حد طعني

صدقني وجودك جمبي ده اكتر حاجه بتفرحني

لما بحس انك سامعني و في عز الضعف بتدعمني

نصحت فيك كتير عشان ملقيتش اللي بينصحني

اسمعني .. ابعد و انساهم انت مش قليل

اتسابت ؟ .. فيها ايه ما كل واحد فينا اتنيل

كل واحد فينا شاف في حياته حاجات كتير تشيل

بس لازم تقوى انت خلاص مبقتش عيل

مهما تضيق مسيرها تُفرج مهما تبوظ مسيرها تروق

و طبيعي الدنيا كل يوم تديك مليون خازوق

بلاش تجلد في ذاتك و اعرف بكرة اكيد هتفوق

لازم تسيبك اوشا عشان تعرف قيمة " شروق "

شكراً .. عشان وقفتوا جمبي لحد هنا

و اتمنى تفتكروني لما اغيب و ابطل غنا

مهما زادت الضغوط و زادت احزاننا المُزمنه

هنفوق و نشوف ربنا عوضنا و بنحقق حلمنا