كوبليه ما هي كلمات اغنية علشان خاطري زياد الدساس ...؟
تاريخ طرح اغنية زياد الدساس الجديده علشان خاطري
٢٧ فبراير ٢٠٢٥
كلمات اغنية علشان خاطري زياد الدساس 2025
اخرتها .. فضلت طول الليل بشوف صورها
هانت قلبي ازاي مع اني كنت اكتر انسان قدرها
لو خيروني بينها و بين الدنيا انا كنت اختارها
كنت مستعد اني اخسر اي حاجه غير اني اخسرها
سبقت و قتلت .. من حبي خلاص استكفت
مبقتش بدي لحد امان طول ما انا ماشي انا بتلفت
النغزة لسا في قلبي عمرها ما هديت ولا خفت
في البرد لوحدي بتكتك وقت ما هي في حضنه اتدفت
عشمتني .. و اهي كسرتني و همشتني
مع ان انا الكومبارس هي بالبطوله وهمتني
قالتلي انها حبتني .. و اهي من قلبها مشتني
القطه اللي انا كنت بأكلها لما كبرت خربشتني
قولولي مين حاسدني ؟ .. ما انا لو غلطان هحاسبني
ما انا لو عشمان فـ ده كان عشان كانت هي العين و النني
و ازاي حبيتها اصلاً و انا اساساً مش حاببني
اخر كلمه قالتها " فكك مني خلاص و ياريت تسيبني "
علشان خاطري متكسريش بخاطري
لو ناويه تمشي ياريت بلاش مع الاحزان تتكاتري
مبقتش قادر اعيش بجد غيابك قطم ضهري
فضلت سنين مستني و اهو في الاخر داسني قطري
كل عمري عليكي ضاع هباءً ..
سيبنا بعض و كنت فاكرها خناقه زي اي خناقه
منكرش بحنلك احياناً ..
بس غلطتي في العنوان معندناش رجاله متساقه
لسا في نفس الحيره .. مدمن علاقات مستحيله
حبك مش حب ده كان عيره كرهك بالنسبالي جِميله
و لو عـ الغيره .. فـ انا في الف نيله و نيله
اشوفها معاه و اقول " الحمد لله كان بينا ايام جميله "
يوم بعدي كان يوم عيدها معادش فيه رجوع مش هفيدها
دمعة عيني هي شافتها و مش هطفي النار هقيدها
حبيت و مشوفتش غيرها و بعدت و مكنتش ببعدها
لو هترجع حابه تطبطب انا بـ ايديا هقطع ايدها
و انا .. انا اللي جرحت في احساسها !
كان قدامها زياد و اختارت انها تعامل دساسها
و انا .. انا مش عايز اسمع حاجه عنها
محدش خد مكانها بس متستاهلش مكانها
علشان خاطري .. متجبريش بـ خاطري
لو ناويه ترجعيلي بلاش عشان مبقتش طايقك
انا هعرف اعيش من غيرك بكرة هلاقي اللي تعوضني
لو قلبي لسا عايزك انا هدوسه و مش هرجعلك
اغنية علشان خاطري زياد الدساس 2025 بالكلمات مكتوبة كاملة من كلمات Zeyad El-Dassas والحان Zeyad El-Dassas تم طرح اغنية زياد الدساس الجديدة على القناة الرسمية على اليوتيوب بتاريخ ٢٧ فبراير ٢٠٢٥ كوبليه كلمات اغنية
- كلمات : Zeyad El-Dassas
- الحان : Zeyad El-Dassas
