كوبليه ما هي كلمات اغنية قلبي عندك زياد الدساس ...؟
تاريخ طرح اغنية زياد الدساس الجديده قلبي عندك
٠١ سبتمبر ٢٠٢٢
كلمات اغنية قلبي عندك زياد الدساس 2022
مش عارف انسى فضلت كل ليل في قهر
كل الناس فاكرين إن انا فرحان نازلين عليا قر
مش مضطر اقول " متضايق " و إن حالي عمره ما سَر
دعيت على نفسي بس محدش قاللي " بعد الشر "
و اخرتها .. عيني بتدمع لما بفتكرها
كنت في امّس الحاجه ليها مكنتش عايز غيرها
كنت هموت عليها و مع ذلك قولتلها " مش عاوزها "
كان نِفسي اتجوزها .. دلوقتي نِفسي إني اتجاوزها
مكانش سهل عليا ابعد و اسيبك و امشي
فاكر لما كنتي جمبي بتضحكيلي و بتتمشي
ازاي مندمشي .. كنتي حلم ليه مدامشي ؟
بهاء سلطان قتلني لما قال " كان مفروض محبكشي "
متصدقيش انا بكدب .. لسا حزين و غير ما ابانلك
لسا فيا كلام متشالك .. لسا كل ليل بندهلك
انا منستكيش .. متصدقيش كل اللي قالك
لسا ببعت " وحشتيني " في شات انا اصلاً فيه متبلك
----
قلبي عندك ياللي كلامي عنك
شوفتي وصلت لـ فين مبقتش اصدق حد بعدك
و اديني باعدك عايزك بس مش هرجعلك
مبقتش عارف انساكي ولا حتى قادر اسامحك
--
و الحق عندك .. انا غلطان من الاول
مكانش يصح احبك كنت لازم افضل كارفك
انا كنت ميت قبلك و بـ ايدك بتغسل
رجعتيلي الهدايا بس لسا قلبي عندك
----
حتى انتوا موجودين عشان اغاني مش عشاني
يعني لو بطلت اغني مش هتسألوا عليا تاني
كل اللي فات بكاني و مش فاضلي غير احزاني
لما بتسمعني بتزعل اومال بقى لو انت مكاني ؟
هتعمل ايه لو ملكش حد في الدنيا دي ؟
لو انت ملكش اخ هتبقى تمام و عادي ؟
اصبحت عصبي و خُلقي ضيق بعد ما كنت هادي
بتأكد إني لوحدي لما بييجي عيد ميلادي
لما تعبت .. و رقدت في السرير و نمت
كنت نِفسي الاقيها جايه تزورني و يرجع بينا الوِد
و اتحججت .. ولا سألت ولا اتطمنت
ولا رجعت ولا اتكلمت كل شكوكي انا اتأكدت
تقريباً كده ارتبطت .. او تقريباً حَبت
و انا لسا فاكرها و لسا للنهارده في شاتها مثبت
الظاهر كده اني مكنتش عاجبها من الاساس
بس عادي بكره يسيبها و ترجع تسمع الدساس
----
قلبي عندك .. ياللي كلامي عنك
شوفتي وصلت لـ فين مبقتش اصدق حد بعدك
و اديني باعدك .. عايزك بس مش هرجعلك
مبقتش عارف انساكي ولا حتى قادر اسامحك
--
و الحق عندك .. انا غلطان من الاول
مكانش يصح احبك كنت لازم افضل كارفك
انا كنت ميت قبلك و بـ ايدك بتغسل
رجعتيلي الهدايا بس لسا قلبي عندك
----
ديل الكلب مش هيتعدل ولا هتحن ولا تتصل
تسهر تحكي معاه عن يومها و طول الليل لوحدي اتقتل
مهما عملت مش بتشكر .. كل الورد في قلبي دبل
لما مشيت مهانش عليها تقوللي " استنى " قالتلي " اتكل "
كنت راضي بكل عيوبها حتى سكوتها
كنت بفرح جداً لما بسمع اسمي بـ صوتها
ولا مني عيشت معاها ولا مني زعلان على موتها
كنت راجل منفعهاش ربنا يهنيها بـ كتكوتها
زياد واحشني .. حقيقي انا كل يوم بشتاقله
انا قلبي كان في حاله بس ايه اللي جابها تشاكله !
احساسي راكنه .. انا شخص محدش حس بـ زعله
حتى اللي سمعني سمعني عشان عايزني اغني مشاكله
لو سمحتوا .. انا عايز حد جمبي و ميمشيش
في دماغي ذكريات تعباني الوقت منسانيش
ارجوك يا قلبي بلاش تحن كفايه متتعبنيش
محدش حبني غير امي .. العالم ده محبنيش
----
قلبي عندك .. ياللي كلامي عنك
شوفتي وصلت لـ فين مبقتش اصدق حد بعدك
و اديني باعدك .. عايزك بس مش هرجعلك
مبقتش عارف انساكي ولا حتى قادر اسامحك
--
و الحق عندك .. انا غلطان من الاول
مكانش يصح احبك كنت لازم افضل كارفك
انا كنت ميت قبلك و بـ ايدك بتغسل
رجعتيلي الهدايا بس لسا قلبي عندك
اغنية قلبي عندك زياد الدساس 2022 بالكلمات مكتوبة كاملة من كلمات زياد الدساس والحان زياد الدساس تم طرح اغنية زياد الدساس الجديدة على القناة الرسمية على اليوتيوب بتاريخ ٠١ سبتمبر ٢٠٢٢ كوبليه كلمات اغنية
- كلمات : زياد الدساس
- الحان : زياد الدساس
