كلمات اغنية لو كرهتك زياد الدساس 2022

مين قال ناسيكي ! .. الظاهر ضحكوا عليكي

مبنامش الليل بستنى نومي لو للحظه ييجي

لو ملاحظه انا كنت شاريكي و كنت متبّت فيكي

حبيتيني ازاي و المال و الشهره يا عيني عموا عينيكي ؟

و انا مش جاي بفكرك بكره الايام هتعرفك

إني ياما حاولت نكمل عمري ما اتمنيت اخسرك

كنتي ورده و بعدي اي حد بيقطفك

و انا لا اتفق كل فرحه كانت في قلبي انطفت

و ازاي نعود ؟ .. و انا قلبي بالاحزان موعود

صوتك زي الناي و العود و صوتي زعل مش معدود

راحت فين الوعود ؟ .. - رحلت مع النقود

قولتي " نفركش " حُزني مبيتفكش لو بألف كود

زعلك بالنسبالي نهاية العالم زعلي عليكي هان

قلبي كرهني من كُتر اما حَبك بقى معايا متهان

انا لو كرهتك كنت هبعد و احضن النسيان

إنتي اللي غلطتي و مع ذلك رجعتلك ندمان

----

انا لو كرهتك مكنتش هرجع ليك ندمان

و قلبي حاسس كأنه كرهني عشان متهان

ازاي تصدق عليا بـ إني نسيتك يوم

انا لو نسيتك هبقى نسيت إن انا إنسان

----

نسيت إن انا إنسان ..

صعب اعدي من نفس المكان خايف اشوفك معاه

حنيني ليكي اشبه بـ انتكاس بعد الادمان

ما هو اللي شايف مش زي اللي عايش داخل المُعاناه

بكدب و اقول " مش فاكر " و ابكي للصباح الباكر

محسيتش بـ تمثيلك دورك هايل كان متذاكر

فاكر كلامك .. مش راجعالك تاني مهما تحاول

في بعادك متزاول مش هنِخ و اتأسف و اتحايل

حياتي في بُعدك ملهاش طعم ..

في بالي يوم فراقنا متمسحش حفظته صم

نسيانك صعب .. بعدك اصبحت عايشها غصب

علاقتنا دي تتسمى حُب ولا غش و نصب ؟

مين قال كرهتك ؟ .. ده انا مش ببطل اجيب في سيرتك

مين قال كرهتك ؟ .. ده انا بقيت بنام و انا حاضن صورتك

مين قال كرهتك ؟ .. كل اللي قال كداب بحبك

انا لو كرهتك مش هدور عليكي بعد كدبك

----

انا لو كرهتك مكنتش ادوّر تاني عليك

و اجي قصادك و اترجى فيك و ابوس إيديك

ارجوك كفايه عليا عذاب و هوان و جراح

و كفايه إني بكيت بـ دموع و شافتها عينيك