كلمات اغنية ليه عملتي كده زياد الدساس 2025

مبقتش احس بـ حاجه الظاهر ان قلبي تلّج

لسا بتهته .. و لسا في الكلام بتلجلج

الاحساس و الشعور معدوم و كأني بعيش متبنج

كله قالك .. " زياد ده حبك عمره ما يعمل زيك "

شغلتي في وقتي .. و خدتي مساحتي

كنت مخليكي فوقي بالرغم انك اصلاً تحتي

كنت معليكي فوقي شوفي بعدي كده ارتاحتي !

قولتيلي هتبقي جمبي .. انتي فين دلوقتي ؟

غيرتيني و حولتيني .. فرحتيني و موتيني

عشمتيني و جرحتيني .. و في حبك طلع ميتيني

ثبتيني و خليتيني شايفك انتي كل سنيني

و كلمتيني و قولتي انك هتسيبي بجد ضحكتيني

بأمانه .. قلبي يستاهل خيانه ؟

ده جرحك اللي في قلبي ملوش علاج في اجزخانه

ده حب ؟ .. لا ستوب .. انا كنت اسبتن و سد خانه

ليه يا قلمي بتكتب عنها هي خلاص بقت سايبانا

ليه عملتي كده .. ردي عليا و قوليلي

متبعديش وشك بصيلي يلا و فهميني

عشان بهتم بيكي زهقتي مني و من تفاصيلي

عرفيني .. هو انا معرفتش اخليكي تحبيني

طب ليه عملتي كده .. ما كان ممكن ننهيها

انا كنت حاجه من ضمن الحاجات اللي بترميها

انا كنت ذكرى في خانة ذكريات لازم تنسيها

طب فرحتك في حضني ازاي عرفتي تمثليها ؟

----

كان نِفسي القصه تكمل زي ما كنت حاسبها

مكنتش يوم اتخيل اني هقدر اقول اسيبها

كنت عيلتها .. وقت ما كله اتبرى منها

كنت منها .. انا كنت ابوها مش حبيبها

كنت بطمنها في كل مره كانت تلجألي

ده انا اتحديت عشانها كل العالم حتى اهلي

ده انا اللي كنت آمانها وقت ما كانت كل زعلي

و اللي قتلني .. زمانها اكيد بتقوله زي ما اتقاللي

معقوله .. عياطها كله ده كان تمثيل ؟

طب و الدموع .. دي كانت يعني دموع تماسيح ؟

بـ ايدها قتيل .. بقيت عايش زي التماثيل

و بدون تجريح انا اكتشفت ان انا في الحب ميح

كنت مغفل .. معاها ببني في المستقبل

بقبل و اقبل .. و ازعل و ادبل

تغيب و انا اهبل .. عليها بسأل

انا كان نِفسي بس ان احنا نرجع زي الاول

----

ليه عملتي كده .. ردي عليا و قوليلي

متبعديش وشك بصيلي يلا و فهميني

عشان بهتم بيكي زهقتي مني و من تفاصيلي !

عرفيني .. هو انا معرفتش اخليكي تحبيني ؟

-

طب ليه عملتي كده .. ما كان ممكن ننهيها

انا كنت حاجه من ضمن الحاجات اللي بترميها

انا كنت ذكرى في خانة ذكريات لازم تنسيها

طب فرحتك في حضني ازاي عرفتي تمثليها ؟

----

آسفه .. ده قلبي مش كوباية قهوه !

شوفت منك قسوه و انا في نظر غيرك اسوى

سألتك " ليه كلمتي غيري ؟ " و كان ردك مفاجأه

طالما احنا سيبنا بعض يبقى خلاص ملكش دعوه

لأ .. دي بجد حِجه هبله و فاشله

تقولها اي واحده خاينه عشان ترجع لـ مكانها

و انا سامحت و عديت مع اني اتجاب العيب عليا

و اديكي اهو نجحتي في تغييري .. لكن للأسوء

هنسى .. لو هعرف انسى اديني اماره

خساره تجر خساره سجاره بتتلحم في سجاره

تعبت بجد .. من كتر ما بعرف ناس غداره

ظلمت ألف شهد عشان معرفتش انسى تماره

مع انها ما تستاهل .. قابل يلا قابل

حِب و صون و اتنازل و اما تموت هتطلع برضو القاتل

فوت عـ العقل انا حاجات ميفوتهاش العاقل

بس عادي محدش اتعلم ببلاش و محدش كامل

----

ليه عملتي كده .. ردي عليا و قوليلي

متبعديش وشك بصيلي يلا و فهميني

عشان بهتم بيكي زهقتي مني و من تفاصيلي !

عرفيني .. هو انا معرفتش اخليكي تحبيني ؟

-

طب ليه عملتي كده .. ما كان ممكن ننهيها

انا كنت حاجه من ضمن الحاجات اللي بترميها

انا كنت ذكرى في خانة ذكريات لازم تنسيها

طب فرحتك في حضني ازاي عرفتي تمثليها