كلمات اغنية متشيلش هم زياد الدساس 2022

انا استنيت بنت الحلال و مجتش و اديني متسوح

مش هتحبك و انت طيب هتحبك لو انت مآرّح

كانت رايحه جايه في قلبي و عماله بتتفسح

و اخرتها بعد الحب ده كله بقت عليا تلقح

اعملي ما بدالك .. عارف اني مجيتش في بالك

كُنا دايماً عكس بعض زي الاهلي و الزمالك

مكنتش بفهمك ولا مره كان تفكيرك سالك

عارفه اللي تسيب حبيبها بتبقى ايه ولا بلاش اقولهالك

بسأل نفسي طول الليل بعدنا ليه ؟

لما حكيتلك زعلي ضحكتي و كأني رميتلك افيه

مشوفتش منك اي خير عشان احزن و ابكي عليه

هما اللي بيحبوا و يتحبوا احسن مني في ايه ؟

الصوره وضحت كامله .. قلبك كان بيا بيتسلى

ده حتة قلب حَبك عادي يعني يا ستي مش مستاهله

مش سهله عليا .. اشوفك جمبه و اقف اسقف

لما بييجي مشهد بفرح فيه المخرج فجأة يوقف

انا مش تمام يا عم بنزف تراكات مش دم

الاهتمام بيشل العقل فـ انا بطلت اهتم

هيفرق ايه لو موتي ده كان بـ طلقه ولا بـ سهم

متشيلش هم ما انت عندك ناس اهم

عاشرت كلاب فـ كان من الطبيعي اتعض

رضيت اكون كومبارس و برضو مشهدي اتمنع من العرض

ولا حتى اعترضت و كنت كل ما اقربلها اتصد

اسامحك ليه هو انتي دوستي على رجليا من غير قصد !

كلامي اتفض .. عشان خلاص معادش يفيد

كله يسيب و يقول " ده نصيب " لا يا جماعه كفايه تهريج

ازاي يعني في سن العشرين و وشي اتملى تجاعيد ؟

كل اللي جمبي بعدوا واحده واحده بالتدريج

تفتكري ممكن نرجع !! .. لا طبعاً مستحيل

طب قوليلي ازاي جايه تقابليني بعد اللي عملتيه ؟

قلبي اللي اتشوّه مش هيرجع حلو بـ عمليات تجميل

و ده مش احسن مني في حاجه غير إن انتي بتحبيه

انا بين الحين و الحين بفتكرك و يزيد الحنين

و ده اللي وصلنا ليهِ ولا عودنا قرايب ولا قريبين

نسيتي انا ابقى مين .. و انا كانوا مشاعري مأمنين

قولتي " بحبك " و اتغفلت و طلع حبك كان كمين

----

انا مش تمام يا عم بنزف تراكات مش دم

الاهتمام بيشل العقل فـ انا بطلت اهتم

هيفرق ايه لو موتي ده كان بـ طلقه ولا بـ سهم

متشيلش هم .. ما انت عندك ناس اهم