كلمات اغنية مستني ايه زياد الدساس 2021

 مستني ايه 

روحي بتنطفي و كل حاجه بحبها بتختفي

محدش حس بيا عشان محدش عاش موقفي

حبيت بجد و قلبي صِفي إتسابت ده مش منطقي !

إفرحي و إبسطي ياللي خدتي فرحتي و ضحكتي

ياما دقت طبول عـ الراس هسيبك عمري ما اكون قرطاس

راح الإخلاص خلاص انا مُت و قلبي مملي رصاص

اين القصاص ؟ .. ده قتلني و عاش من بعدي و هاص

و انا قادر اعيش لوحدي المايه تكدّب الغطاس

انا بهلك .. إتفرج و إضحك ما انا ولا همك

سيبني احسنلك هتسيّل دموعي و انا هسيّح دمك

فاكر نفسك هتزعلني كان اشطر اللي قبلك

انا بحزنلك بس بكره اما هقابلك هعمل مش شايفك

إنت لوحدك .. إسهر و عيط كل ليل

و اسأل نفسك انا قصرت ولا هما سابوني ليه ؟

و تحب ليه .. خلاص معادش في قلبك حيل

قالولك " مش عايزينك إمشي " طب مستني ايه !؟

----

مستني ايه .. إمشي

الحلم منفعشي

فوق من خيالك فوق

إنسى بقى و إمشي

----

اخبارك ايه ؟ .. - بخير من غيرك امشي

ما انا مينفعش اقولك - من يومين مغفلش رمشي

عيشت بـ ذكرى بتدشدشني احزن و اداري وشي

مبقتش بحكي عشان ما نابني منهم غير " معلشي "

" اكاد من فرط الاحزان اذوب "

انا مش محبوب ولا فنان مشهور على اليوتيوب

كل يوم في حروب مفيش طريق لـ هروب ببات مغلوب

قلبي مش هيتصلح حتى بـ عمليات " مجدي يعقوب "

انا .. بموت .. و اداري بـ ضحكه شايله هموم

إزاي انساها و لسا بشم ريحتها في الهدوم !

فوق .. إتعكز على كتفك و قوم

مسمعتش كلامي كنت قايلك ولا واحد هيدوم

اديك بتحزن طول اليوم و من غيرك يفرحوا

محدش حس بـ قلبي عشان محدش كان مطرحه

اديك علقت قلبك بـ حبال عماله تطوّحه

متحبش حد .. إقفل على قلبك و كفايه تجرّحه

----

إقفل على قلبك كفايه تجرّحه

و تعلقه بـ حبال آماني تطوّحه

من النهارده الحلم مش هيفرحه

ارجوك .. متحلمشي