كلمات اغنية مشيتي خلاص 2 زياد الدساس 2020

مشيتي خلاص 2

بقيت بتخيل إنك جمبي , و أفضل أفكر

في كل شئ جرحني , و كل شئ خلاني أتدمر

مبقتش عارف أنسى كل ذكرى , و كل لمسه

و كل ضحكه , و كل همسه خلِت قلبي مات من الفرحه

ياللي إنتي مشيتي طمنيني عليكي إزيك ..

ياللي إنتي قالوا عليا " شبهك " أنا ميت من بعدك

إرجعي عشان مش هقدر أعيش و لو ثانيه في غيابك

قالوا إن إنتي " محبيتينيش " و قالوا " أحاول إني أنساكي "

ملعون البُعد اللي يخليني أعجِز بدري ..

بموت من الخنقه جوه أوضه ضلمه لوحدي

و بكدب و بصدق إنك لسّاكي معايا دايمه

كل اللي فات قتلني , و خلى أقرب حد إتخلى

كله كدب .. إزاي ندمت !؟ .. و رجعت حاولت

ياما حلمت بيكي بس خلاص صحيت من الحلم

و أديني بهاتي .. كل اللي فات بيمحي الآتي

و أديني بلاكي .. و من سُكات خلصت حياتي

----

مشيتي خلاص .. و لسا عايش على ذكراكي

مشيتي خلاص .. لكن عُمرك ما بقيتي ماضي

أنا لسا بمشي في نفس الشارع اللي مشينا فيه

أنا لسا بسمع كل مُغني كنتي بتسمعيه

كان نِفسي لما تمشي إني أحاول أروح وراكي

و كل أحلامي كانت إنك إنتي تبقي مراتي

لكن مش هقدر أمسك فيكي حفاظاً على كرامتي

حُضني عُمره ما يدفيكي لإنك روحتي لـ حُضن صاحبي

----

خلاص بقيت بتناسَى .. مبقتش فاكر حاجه

خلاص أنا مش محتاجك ولا محتاجها ولا محتاجكوا

يا صاحبي أنا كنت سندك و إنتا طبعك النداله

لايقين على بعض جداً .. خاين و خاينه زيه

صدقيني أنا كارهك جداً أنا أصلاً مبقتش فاكرك

و أديني جمبي واحده جدعه ضُفرها بـ رقبتك

مفرحاني في وقت زعلي .. مسنداني في تعبي

فاهماني من غير ما أحكي , مُستعده تموت لأجلي

و أنا هشيلها في عيني و هدفنك تحت التُراب

إنتي و ذكرياتك الكدابه و أوقات الفراغ

خلاص .. مشيتي خلاص ما عادي هقدر أعيش حياتي

في حُضن إنسانه بتخلصلي عُمري ما هرجعلك من تاني

كنتي أكتر واحده علمتني إني أقوى من أحزاني

خليتيني أفوق خونتي و خليتيني أنساكي

فعلاً .. النسيان ده نعمه , و اللي يشوفك يعمى

و اللي كان بيحبك بالنسبالك كان مُجرد لعبه

----

مشيتي خلاص .. طب في 60 ألف داهيه

مش هشتاقلك مش هلجألك لو أخر إنسانه في الدُنيا

غوري .. مبقتش عايزك ولا فاكرك ولا بترجاكي

رُوحي .. فعلاً سيبتيني و أنا مش هجري تاني وراكي

سلام .. مش عايز أنساكي عشان أفضل دايماً بكرهك

هيخونك و يبيعك هيسيبك تنتحري في مَطرحك

مش هبقى عليكي ولا عـ العِشره أنا أصلاً ناسيها

أنا مش هعيش عشانك , هدفع عُمري كله ليها