كلمات اغنية نبعد احسن زياد الدساس 2023

بعد البُعد .. فضلت كل يوم بوهم في نفسي

فضلت اقول " هنساها " بس الايام مش بتنسي

فضلت اقول " فترة و هتعدي " بس مش بتعدي

هي عايشه تمام من بعدي و انا من غيرها بقيت لوحدي

كنت مجرد فترة و كانت ليا كل الدنيا

كنت بطير من الفرحه بس بـ نظره من عينيها

مبقتش احب حد بقى عندي من الحب فوبيا

ياريتني ما كنت سألت ولا حتى اتصلت عليها

قالت : ايه اللي جابك انا مشاعري ماتت ؟

مش عايزه نرجع انت مجرد فترة و فاتت

و كل حاجه عليا هانت زي ما قولت

مش لوحدك اللي مشاعرك ماتت انا من غيرك مُت

مش فارقلي ولا عايزاك تشكيلي حالك

مش قولتي عليا اني كل الدنيا بالنسبالك ؟

ده كان كلام خلاص نسيت مبقتش فاكره حاجه

انا عمري ما كنت هسيبك لو كنت في مكانك

على فكرة انت اللي مزودها .. انا حلم ضاع من ايدها

معرفتش احب غيرها فضلت بفتكرها و احزن

مكنتش يوم ببعدها ولا كنت عايز اسيبها

فاكر صوتها و تنهيدها لما قالتلي نبعد احسن

بعد حب سنين جايه تقوليلي " نبعد "

قالت " وعد " .. بس كانت بتكدب لما بتوعد

خسرت كل الناس عشانها .. و عشانها كتير ضحيت

حاولت كتير اني انسى .. لكن ولا مره نسيت

خلاص نسيت و مش عايزاك ..

مش عايزه اني ابقى معاك بجد البعد انسب حل

خلاص قسيت بقيت كارهاك ..

قدرت بجد انساك " ازاي ؟ " نسيانك كان سهل

ازاي الحب هان ؟ .. - الحب ده كان زمان

مبقتش احس بـ حبك ولا حتى لسا بحبك

انا عايشه بخير و تمام .. - و انا بعدك مش تمام

كل اما اقول " انا هنسى " بنسى اني انسى و افتكرها

كنت فاكرك ليا .. - كانت كدبه و صدقتها

لسا عايشه فيا .. - حبك بالنسبالي انتهى

متتصلش بيا انت صفحه و قفلتها

كل الحب اتقتل لما رجعت و كلمتها