كوبليه ما هي كلمات اغنية وحشتيني زياد الدساس ...؟
تاريخ طرح اغنية زياد الدساس الجديده وحشتيني
٢٢ مارس ٢٠٢٣
كلمات اغنية وحشتيني زياد الدساس 2023
هشكيلك و اقول كلام كتير و اتمنى تسمعيه
كل اللي قولت عليهم سندي باعوني عشان حريم
كنت ملاك في حضنك بس لما بعدتي بقيت شيطان رجيم
و الله العظيم انا مبقتش سليم
مبقتش عارف انساكي و طيفك دايماً بيحاوطني
و لسا فاكر كل شئ كان بينا و فاكر يوم ما بعدتي
بقت حياتي تتدمر اكتر و اسمع في مكالمات بتصبر
اتأكدت ان انا عمري ما هنساكي و لو هيجيلي زهايمر
غلطي اني بتعشم في حاجات دايماً متكونش ليا
حبك مرض ما له علاج و احتاروا في امري الاطبا
و انا نفسي اتعالج .. لو كنت مكانك عمري ما هبعد
كنت بحكي عشان بحبك مقصدتش عليكي انكد
كان نِفسي نقف ضد الظروف دي سوا
و انتي وقفتي مع كل الظروف دي ضدي و ما لي دوا
و انا مش ذنبي احبك .. و انتي مكنتيش بتحبيني
انا لسا فاكرك .. و مش هنكر انتي وحشتيني
وحشتيني
و لو كل اللي عارفينك
قالولك اني منفعكيش
و لو كل اللي عارفيني
قالولي بكرة تنسيني
وحشتيني
كل اللي كانوا عارفينك عابوا فيا و انتي سكتي
كنت برد غيبتك و انتي مكنتيش بتردي غيبتي
لأ بالعكس ده انتي كنتي بتشتمي عليا معاهم
وصلولي انك نسيتي و مبقاش بينا تفاهم
لما انتي نسيتي كنت كل يوم بعدّي من مكاننا
و ببكي لما افتكرك و افتكر ايامنا و اسأل ..
ليه لما انا اسقيكي انتي تسيبيني بدبل ؟
انا لسا لما اسمع اغاني كانت بينا بزعل
لسا فاكرك .. و فاكر شكلك .. و شكل كمان تسريحتك
و الساعه اللي جيبتيهالي في عيد ميلادي بعدك وقفت
فاكر لما كُنا بنمشي سوا و اقولك اني " اطول منك "
متقلقيش انا مش ناسيكي عشان افتكرك
كل يوم انا حالي بيسوء و احلم بـ كابوس و اقوم مفزوع
انا عارف ان معادش ينفع يبقى بينا رجوع
و اللي بعدك دول فترات انا عمري ما هلقى اللي ينسيني
موافق نبعد بس اعرفي انتي وحشتيني
----
وحشتيني ..
و لو كل اللي عارفينك
قالولك اني " منفعكيش "
و لو كل اللي عارفيني
قالولي " بكرة تنسيني "
وحشتيني ..
----
مبقتش اقبل بـ غيابك اللي دايماً بيزعلني
مسكت فيكي و بتستغني استاهل منك كده يعني ؟
كنت بتنبأ بـ جوازنا و بـ فراقنا بتتنبئي
تعبت معاكي 5 سنين بس عمر الشقي بقي
بقيت دايماً بكلم صورتك .. و استنى منها رد
ده انا حتى لما غمضت .. شوفتنا مع بعض
و تعدي عليا ذكريات و ايام انا مش ناسيها
فاكر لما كنت بغنيلك و انا اتلغبطت و دي غريبه !
كنت قدام كل الناس بغني و مبنساش اغانيه
بس انتي غير كل الناس كنتي مني و ليا
كنت اضعف لما اشوف دموعك .. و ضحكتي و انا عيطت
حرفياً .. انا بعدك اتمرمطت
كانوا بيسألوني سيبتوا بعض ليه و بجيب العيب عليا
ما انا متعودتش حد يشوفك وحشه يا نور عينيا
و صدقيني انا لسا لحد هذا اليوم بفتكرك
و انا في البعد متحاوط بـ طيف ريحتك
----
انا في البعد متحاوط بـ طيف ريحتك
و لسا لحد هذا الوقت فاكر شكل تسريحتك
و تنهيدك .. و شكل الساعه على ايدك
طريقتك و انتي بتغني ..
" بعيد عنك حياتي عذاب "
حياتك ايه بعيد عني ؟
يا ارض عرفتها فجأة
و دنيا لمستها بشويش
يا اطهر من رقم فلكي
في عداد اسمه " اكل العيش "
بتحكمي ليه على غيابي ؟
و في حضوري بتنسيني
رفضتي ان انتي تتسابي
و فجأة انتي اللي سيبتيني
----
سيبتيني بعد ما قولتي " عمرك يوم ما تروحي "
محدش داوى جروحي .. و بعدك طلعت روحي
يا روحي .. كل اللي فات لسّاه حافر في قلبي حفره
انا مش هنسى النهارده ولا هنساكي بكره
مع انك معاه و ناسياني كنت حزايني و انتي احزاني
كل ذكرياتنا ديا مدغدغاني
كنت جنايني و انتي كنتي ورده بين بستاني
محدش غيري سقاكي لكن دلوقتي سقاكي واحد تاني
طب لسّاكي معاه .. ولا هو رماكي دبلانه ؟
انا مش مستوعب ان رد جميلك يبقى خيانه
سني كبر .. و لما كبرت زعلي معايا كتر
العرق يمد لـ سابع جد و جدي السابع مات منتحر
طلبتي اني ابعد عنك و انا طلبت اننا نتقابل
تمثيلك كان مقنع جداً .. لا بجد براڤو هايل
بس مهانش عليا اخونك كنت قابل كل عيوبك
و حاسديني البشر على ايه و انا بدونك ؟
----
و حاسديني البشر على ايه و انا بدونك ؟
و ايه الدنيا سوى عيونك ؟
سوى حضنك في وقت الخوف
يا عم الحاسد الطامع
تعالى و شوف ترى الراجل
في عز الليل ..
بيسرد قصته لـ روحه
و يشكي جروحه لـ جروحه
و يظهر للبشر باسم
يعيش و كأنه متطمن
و هو في قلبه يُتم عجيب
شوفيلك حل في غيابك
يا اما رجوع من المبدأ
يا اما تقولي كيف ابدأ ؟
في اي طريق ينسيني
وحشتيني
اغنية وحشتيني زياد الدساس 2023 بالكلمات مكتوبة كاملة من كلمات زياد الدساس والحان زياد الدساس تم طرح اغنية زياد الدساس الجديدة على القناة الرسمية على اليوتيوب بتاريخ ٢٢ مارس ٢٠٢٣ كوبليه كلمات اغنية
- كلمات : زياد الدساس
- الحان : زياد الدساس
