كوبليه ما هي كلمات اغنية سكر وعسل سارة هيثم ...؟
تاريخ طرح اغنية سارة هيثم الجديده سكر وعسل
٣٠ أكتوبر ٢٠٢٤
كلمات اغنية سكر وعسل سارة هيثم 2024
الدنيا دي مش على كيف مخلوق
مش عايزه كسل
لو رزقك حلو اكيد هتدوق
سكر و عسل
ده المكتوبلك كدة كده هيكون
رزقك ده وصل
اوعى تزعل ع حاجه تروح
ولا كانه حصل
فوق ياعم الدنيا سحله
عايزه الفايق عايزه المركز
ركز ف السعي والرحله
خليك متابع ع الحلم اجري
عيش يا صاحبي خد و هات
سلك هتسلك، صافيلها النيه
خليك صاحب مبدا و عالثبات
اوعى تكون حته طريه
ومين اختار يكون وحده
و مين مش نفسه يلقى ونيس
مفيش حد في آيده راحته
ميزان الدنيا غالي و رخيص
مفيش انسان ملوش أخطاء
محدش م الغلط معصوم
في حبه لقى و حبه فراق
و حبه نقع و حبه نقوم
اسمع مني نصيحه اخويه
ارجوك متطنشهاش
الدنيا دي فانيه و منهيه
بطولها وعرضها تتعاش
عاند زيها مهى عناديه
اكسب متكسبهاش
مش دايمه ليك ولا حتي ليا
كبر ومتحسبهاش
و دا حال الدنيا يا ناس
مبتدومش و شغاله لف
دي فانيه ف الأصل و الأساس
و نازله علينا ضحك وسف
عليها دي كمان حتة كف
الضربه منه كده بموته
و ليها قوانين محطوطه
ساقيه و فيها خلق مربوطه
فوق ياعم الدنيا سحله عايزه الفايق عايزه المركز
ركز في السعي والرحله خليك متابع
على الحلم اجري
عيش ياصاحبي خد وهات
سلك هتسلك، صافيلها النيه
خليك صاحب مبدا وعالثبات اوعاك تكون حته طريه
و مين اختار يكون وحدة
و مين مش نفسة يلقى ونيس
مفيش حد ف ايدة راحتة
اغنية سكر وعسل سارة هيثم 2024 بالكلمات مكتوبة كاملة من كلمات حسين جمال والحان مصطفى السلطان تم طرح اغنية سارة هيثم الجديدة على القناة الرسمية على اليوتيوب بتاريخ ٣٠ أكتوبر ٢٠٢٤ كوبليه كلمات اغنية
- كلمات : حسين جمال
- الحان : مصطفى السلطان
