كلمات اغنية الشكل الفريد سعود الحبابي 2023

راكب اللي في المواتر خذا الشكل الفريد

الجديد اللي مورد وجاء للمملكه

من وكالات البريمي صدر توه جديد

ومامعه في درجه الا بطاقة جمركه

في مزاياه اتحير ويحتار القصيد

ولاقدرة بقولة الا ماشاء الله مبركه

اسمه اللكزس.. ولاهو بيحتاج المزيد

اشهد انه قايم حظ من هو يملكه

منوة اللي طال صبره وهو حظه عنيد

ولاجداه الا التوجد وكفه يفركه

خمسة اعوام وعيد مضى من خلف عيد

والحشا يصلاه هم وحزن مدركه

اشهد اني صابر لو غثا بقعا يزيد

وارجي الله جل من لاذ به مايتركه

الله اكبر يا عنا الوقت والظرف الشديد

وشيب عيني ياظروف صعاب مهلكه

هكذا الاقدار والله يفعل مايريد

ماحد منها بيسلم ولاهي تتركه

الشدايد تجعل الرجل في الدنيا زهيد

وان خسر في الاوله يربح اخر معركه

والمواقف ماتقصر خذ العلم الاكيد

اشهد ان بعض المواقف كما حر ودكه

فجعل يسلم من عزومه على الغليا تزيد

ويلعن الله راعي الحكي واهل الفبركه

والسلام ختام والحكي كثره مايفيد

ومن تردى في ابن عمه عسى الله يمسكه