كلمات اغنية ضاعت الاماني سعود الحبابي 2022

معطيً نفسي آمال وتباشير خير

في كنف واحد منه العفو والقبول

عالم ماخفت الانفس وسر الضمير

وبيده الحل لي ضاعت جميع الحلول

كان ضاعت الاماني بين ورد وصدير

والله ماعاد عندي للمجامل ميول

فزعة الحِيَليّ مثل الظلال القصير

من يدور وراها فود مات مغلول

من يعنز على الجدر الردي يستخير

ومن هقى هقوةً في غير اهلها تزول

اتعنز على حيلي لو اني كسير

ممحل القاع بعيون التفاؤل حقول

من تعود على الرمضى وشمس الهجير

ماقبل مجلسً ماشاف منه القبول

للدهاليس ضبع وللشواهيق طير

وللسوالف وجيه وللمواقف زحول

كم وياكم عطينا الشوف عين الضرير

واثر. عين الضرير ان شافت تصير حول

عيشتنا الليالي بين شر وخير

لين صرنا نحسب حساب غير معقول

انتعامل مع العاقل بعقلً كبير

وانتعامل مع الجاهل بعقل مهبول