كلمات اغنية جاملتهم سعود الصليلي 2025

يسكني الخوف و التفكير يطويني . .

والليل شكله كئيب وضاعت الدبره

هقيت بالطيب بس الطيب معميني

والطيب هاقي وانا ماني على خبره

جاملتهم لين ضاقت بي شراييني . .

والواحد احيان ما يقدر على صبره

اللي يبيني لو اخطي ما يخليني . .

يتصاغر الذنب لو الذنب وشكبره

ماني نبي اتحمل كل ما يجيني . .

احيان ابكي من الاحساس و الخبره

واحيان احس مابه شي يبكيني . .

ولا اعتبر شي ماني قادر اعتبره

ولا فيه داعي على نفسي توصيني

ولا تختبر قلب مايحتاج تختبره . .

اعامل الناس في نهجي و في ديني

الا انت اعاملك بالعشره وبالخبره

والواجب انك بعد كسري تداويني

لاتكسر انسان ماتقدر على جبره

كتبتك بكل بيتٍ في دواويني . .

شاعرك مازال مبدع ماخلص حبره

لاتسمع الناس لو الناس تبليني

حبيبك ان طال حزنه ماقصر شبره

الله خذا مني اللي كان معطيني

جلا جلاله وسبحانه ويا كبره . .

يرضيني تروح طبعا لا ما يرضيني

الامر بيديك بعد الله و الدبره . .

والحين فكر قبل لاتطيح من عيني

قبل ادفن الحب و اصلي على قبره

ان جيتني جيت تايب رافع ايديني

وان رحت زان القصيد و زانت العبره