كلمات اغنية حور عينك سعود الصليلي 2024

تدور الكواكب حول وجهك وحنا ندور

وسبع العجايب صرت ثامن عجايبها . .

على الارض تمشي مثل غيرك بدون غرور

و غيرك لو ان مثل وجهك . . يخربها . .

ملامح قصيده تسرق السمع قبل النور

تعلا المنابر و الجماهير . . تطلبها . .

حور عينك الواسع يضايق وساع صدور

عسى الله يسامح عينك ولا . . يحاسبها

غيابك ماهو عادي تبي تترك الجمهور

يشوف الوجيه اللي حضورك مغيبها . .

تغلا . . تغلا ما انت ناقص ولا مجبور

على العرش متربع و الامداح . . كاسبها

مساء الخير ما تفرق معاك و صباح النور

تنقى . . بكيفك طلتك وش يناسبها !

تقهويت من دلة غلاك و عزمت الحور

ولا هز فنجالي عشانك . . معزبها . .

حصل وصل والا ما حصل ماعليك قصور

رضى الناس كايد لا يهمك معاتبها . .

تحب المظاهر غالب الناس و الديكور . .

تصنع مشاعرها البليدة مع اغلبها . .

و الا تفهم اعجابي على كيفك و مشكور

ماني بحاجة احبك على شان تكذبها . .

حواليني احبابي و قلبي ماهو مهجور . .

تطيب الجروح / و سامح الله مسببها !

ترى الشاعر احيانا يحب و يعيش الدور

على شان يلقى ملهمة شعر يكتبها