كلمات اغنية بو خالد محمد سلطان البريكي 2026

بعد اذنكم ياخوان شما دقيقه

وياهل الدول لمجاوره والشقيقه

من دون قاصر في الشيوخ العريقه

بو خالد محمد ولافيه غيره

فعل الفلاحي مادخل فيه شكه

مثل الصلاه اللي توجّه لمكه

كم وكر للعدوان ع الارض دكه

بوخالد محمد ولافيه غيره

يوم المخاطر من بلدنا وشيكه

والخيل من كثره يهوّل دبيكه

وقف محمد سعد من هو شريكه

بوخالد محمد ولافيه غيره

حافظ عليه يفز في الصف الاول

عند الشدايد فزعته ماتطول

عليه كل الشرق الاوسط يعول

بوخالد محمد ولافيه غيره

ف ايده عصا لكن شراة الحديده

منْها العوَي يمشي على الدرب سيده

طوّع بها الروس الكبار العنيده

بوخالد محمد ولافيه غيره

واللي تصيبه ساعة الحرب رجفه

يامخضب الكفين عقبه واجْفَه

والوقت ويش الوقت سمنه وعجفه

بوخالد محمد ولافيه غيره

السبع محفوظه بسبع المثاني

و رجالها اللي ماتعَرْف الهواني

ماهوب بالشيلات والا الاغاني

بوخالد محمد ولافيه غيره