كلمات اغنية الليالي السرمدية شاكر ابراهيم 2025

لليال الحالكات السرمدية

للعتيم اللي جحد ومضة شعاعي

ما عليكم لا سلام ولا تحيّة

التحفّي بالردي مو من طباعي

في دجاكم حالفٍ ما ارفع يديّه

بحركم ماهوب يستاهل شراعي

ارفض الذلة ولا اطيق العطيّة

لو دروب الحاجة تحتّم ضياعي

وان نوى وقتي على عزّي بنيّة؟

أبتر ذراعي قبل تلوى ذراعي

عزتي ما تسمح بدور الضحية

أسهل من المرحبا عندي؟ وداعي

من خلقني ربي ونفسي أبيه

وسرّي اللي بالحشا لا ما يذاعي

اقبِل اليا صار وصلي أولوية

اقفي اليا صار ما للوصل داعي