كوبليه ما هي كلمات اغنية اللي جاي مُميت شيندو ...؟
تاريخ طرح اغنية شيندو الجديده اللي جاي مُميت
٢٥ يناير ٢٠٢٥
كلمات اغنية اللي جاي مُميت شيندو 2025
خلصت فترة التمهيد
ندخل شوية على المفيد
بيقولوا اني باعيد وبازيد
يا أهبل دي زيادة تأكيد
اعترف انت لسه بعيد
ماباعتمدش اسامي ولا صيت
انا صعب عليكم جدا
احذروا مني الجاي مميت
عملت ايه ياربي في دنيتي
عشان تكون دي بس اخرتي
يمكن ذنب ومش واخد بالي منه
فهاصبر وارتضي
الناس نسيت حنيتي
واتجاحدوا عليا في شدتي
أفعالهم كلها ثبتتلي
إنهم لازم يشوفوا قسوتي
فهمان الواقع تعبان
بتضيق دائما ع الجدعان
واللي مراعي ضميره دلوقتي
بيكلم نفسه وعدمان
بقى داخل مرحلة جنان
مابقاش موجود ليه عنوان
بس لسه مصمم إنه يكمل
ومسيره يوصل لمكان
ايوه مفيش حد حقيقي
كله عشان مصلحته بييجي
واحنا نقول معلش وعديها
المرادي بس يا سيدي
بلاقيه طمعان ف اللي في جيبي
وفاكرني ثري كويتي أو ليبي
تعالى نبدل كده أماكننا
وتشوف اللي انا فيه تجريبي
وابقى قابلني إن استحملت
مع اول ساعه هتكون هربت
عمر ما هيكون مستوى صبرك
زي شيندو قد قدك شيلت
توفيق ربنا مهما عاندت
عشان كده لنجاحاتي وصلت
وهتفضل صورتي انا في عقلك
حتى لو بعد كام سنة غيبت
لو منك افكر وماحلش
حاول واسعالها وماتملش
طعم نجاحك طبعاً احلى
بعد ما بتحاول و بتقلش
والعيار اللي مايصبش بيدوش
اياك تستسلم أو تغرز
ونصيحة مني ليكم اخواتي
بالحلال للكل هتفرس
سنه عدت والتانية اهي جات
واهم حاجه في حياتي الوقت
بقى بيعدي واسرع م الهوا
وانا لنفسي الصراحة اشتقت
كنت وسط جراحي واحتاجت
وماليش غير ربنا ليه لجأت
كانوا بيعنيهم شايفني بموت
فعليا ولا حتى فرقت
خلصت فترة التمهيد
ندخل شوية على المفيد
بيقولوا اني باعيد وبازيد
يا أهبل دي زيادة تأكيد
اعترف انت لسه بعيد
ماباعتمدش اسامي ولا صيت
انا صعب عليكم جدا
احذروا مني الجاي مميت
اغنية اللي جاي مُميت شيندو 2025 بالكلمات مكتوبة كاملة من كلمات Shendo تم طرح اغنية شيندو الجديدة على القناة الرسمية على اليوتيوب بتاريخ ٢٥ يناير ٢٠٢٥ كوبليه كلمات اغنية
- كلمات : Shendo
