كوبليه ما هي كلمات اغنية خلق شمال شيندو ...؟
تاريخ طرح اغنية شيندو الجديده خلق شمال
٠٤ يونيو ٢٠٢٥
كلمات اغنية خلق شمال شيندو 2025
دي ماشية شمال
ذنوب بالكوم تكفي جبال
سباق بينا على الأحبال
سباق مجنون
وكله عامل لنفسه قانون
وبكره هيبكي ع الأطلال
شيندوو
كلها عينها ع المال
مش فارق حرام و حلال
بيقولوا مصلحة والدنيا تمام
والفكر بقى استسهال
والناس بقى ولا ع البال
بتلاقي الواد شغال
ع الناصية يبيع ويقطع
واقع مؤلم خلق شمال
واللي بيتجوز بيزنس
بيطلعها تقولك كبس
إسفاف ودياثة ع اللايفات
وتبينلك حبة ترمس
وده ماسك كاميرا بيغمز
مبسوط ويقول هزي يا بس بس
ويلموا الغلة يجيبوا دولارات
واللي بيتفرج يغرز
واخوات من نفس الدم
بيعضوا في بعض يا عم
مابقاش موجود إخلاص ولا ود
وكل كلامهم ذم
بتلاقي الواد راح شم
والبت تدق الوشم
على حتت غريبة وكله يشوف
بقى هم ولا بيتلم
خناقات ومشاكل ع الورث
فبيغلطوا ويعلوا الحس
دول مش شايفين غير مصالحهم
بيشغلوا على بعض الترس
وده زي ما يكون ورثوا الكنز
وبينسوا إنهم توينز
مش في دماغهم غير شهواتهم
إبليس لاعب في مخ الإنس
وتشوف اتنين أصحاب
واحد سابق بمراحل
وبيدي لصاحبه تملي يقسم
اللي في جيبه ما هو راجل
وبياخد بإيده ما هو عايزه
أحسن منه ولا يكون عاطل
بعد ما يوصل يتجوز يبعد
ده حقيقي وبجد وحاصل
ما هو طبعا زن الست
أمر من السحر يا ناس
وتقولوا سيبك منه ونفض
يشتغل الوسواس
وده شايف صاحبه في ضيقة
وبيعمل مش شايف فداس
على صاحبه وعلى عشرة عمره
بعد العمر ده كله خلاص
الثقة بين الناس مفقودة
ومع الزمن كله بيتغير
والفلوس جننت الكل
مفيش احترام لكبير وصغير
حاجات كتيرة عليها بنتبطر
ناس على ناس دايسة بتتكبر
مغفلين دي صفات شياطين
بعد عن الدين ولا بنفكر
بتقولوا كئيب و حزين
ما طبيعي دي آثار خاينين
ودي أسباب إن أبقى لوحدي
من اللي شوفته ليالي وسنين
باعترف إنكوا فاهمين
وانا اللي غلط يا بني آدمين
فالافضل إنكم في حالكوا
وانا واثق ربنا هيعين
ناس المال بقى سيدها
عبدو الحياة ومفاسدها
اللي اتمرمطنا عشانهم
نسيونا ومش واخدين بالهم
كله بأوانه متشال
دي ماشية شمال
جاي اليوم يتمنوا دقيقة
يكونوا معانا بس في أحلامهم
كلها عينها ع المال
مش فارق حرام و حلال
بيقولوا مصلحة والدنيا تمام
والفكر بقى استسهال
والناس بقى ولا ع البال
بتلاقي الواد شغال
ع الناصية يبيع ويقطع
واقع مؤلم خلق شمال
اغنية خلق شمال شيندو 2025 بالكلمات مكتوبة كاملة من كلمات Shendo masr وتوزيع DJ Mazzika تم طرح اغنية شيندو الجديدة على القناة الرسمية على اليوتيوب بتاريخ ٠٤ يونيو ٢٠٢٥ كوبليه كلمات اغنية
- كلمات : Shendo masr
- توزيع : DJ Mazzika
