كلمات اغنية ثلاث مهربات طالب المري 2024

ثلاث مهربات

معيشتي بين المهد هو والكفن

للاخره عيني لو اسعى للحياة

..

كرامتي هي راس مالي والووطن

اموت جوع ولا اتلفت للفتات

..

ماني بصبار ٍ على شرب الغبن

ويكرم علي ما احذف فالبير بحصاة

سمي من صاد الوظيحي فاليمن

عاد اكثر العربان في عصره حفاة

..

وان كبرت القاله وثقلت ما امتحن

يظهر حقوق اضعف ضعيف من الطغاة

..

ويقود راس الحمله ابليا رسن

ويدل لا ضاع الدليله فالفلاة

..

وراسه لصكات اليالي ماذعن

شجاع وادهى من دواهيت الدهاة

..

حلالها لا ناشت الضو الدعن

ينقل خطا ربعه وما قد فات فات

..

والشر لا جا يبتسم له ما اشتحن

والى انتصر ما يلحق النصر بشماة

..

وانا سميه فالفرايض والسنن

وحفيد لاهل العاديات المسرجات

..

ويمناي من فضل الولي تندى سمن

ونفسي عزيزه عن كثير المغريات

..

ماللدراهم في مخابيي زبن

مزبانها عندي ثلاث مهربات

ادعس على الحيه ولا احفل البثن

واشوش لدرب الوعر و المعضلات

..

واسم عدوي فالنحر وسم الثفن

لا يذبحه وسمي لكن يكتب وصاة

واللي يحسبنه تحصن في حصن

ترا الوعد سود اليال المقبلات

..

واللي تربق فالحبايل وانطبن

حطيت تحت اسمه ثلاث ملاحظات

..

واللي يزاورني تراني له فطن

عينت له صفحه وخمسة ذبذبات

..

اطيّب من الطيّب وسلال العفن

اداوي العلّه وتسلم .. شات مات

..

والصاحب اللي فالقفى حفر ودفن

اسقيه سم الداب في سكر نبات

..

لي راس مايطمن و لي ضلع ومتن

واحوم وتوقع جميع الحايمات

..

الجود ماهو بس في كبر الصحن

الجود وقفه والركاب معقرات

..

ومن لا يبّين فالشدايد والمحن

قولوا له اني ما ذكرته يوم جات