كلمات اغنية دخيلك تركد ظافر الحبابي 2019

دخيلك تركد ماتحمل زعل وعتاب

وانا اللي حصل لي من زماني مكفيني

فلاعاد تنشدني زمان العناء وش جاب

ولاودي احد ن في غيابك يحاكيني

ثمانين باب ن قفلت وانفتح لك باب

على روظة ن في وسط قلبي وفي عيني

تعال اسكن ابصدر ن غدالك ذرا وحجاب

وتفاخر بحبي بين كل المزاييني

ولا تجرح اشعوري ولاتحرق الاعصاب

ولاتحطم امالي وانا الشوق حاديني

عشقتك مثل مايعشق العز شلفاء ذياب

وحشمتك مثل حشمة عيال السلاطيني

تشوف العقاب اللي يشرف على المرقاب

ليا ظاقت البيدا كفخ بالجناحيني

وانا لاغدى جوي بعيني جناح اغراب

نصيتك لعلك من همومي اتواسيني

احبك كثر ماشفت فالليل نجم وغاب

وكثر من دخل في وسط مكه ملبيني

وهبنيك رب الكون سبحانه الوهاب

جزيل العطايا خابره مايخليني

رحمني بك الله بعد ماكلحت لنياب

وشفت الجفاء حتى من الناس الادنيني

تمسكت بك حتى يجي امفرق الاحباب

عسى الله مايخلي احبالك من ايديني

اهيم ابغرام ن خالجه نظرت الاعجاب

بشخص ن بناء جسر الغلا بينه وبيني

ياتؤم حيات الشاعر الهايم المنصاب

يامريم عفاف الطهر والعقل والديني

تجريت بك وانا اللي اجري الهياب

وابوج الريادي حزن العسر والليني

ياعزوة اشيوخ ن لاعتزوا فكوا الانشاب

سلاطين قوم ن ماتهاب السلاطيني

صخرني لك المولى تعالى بدون اسباب

وغيرت في قربك جميع الموازيني