كلمات اغنية سعودي ياسعودي عبدالرحمن ال عبيه 2020

تباشري يا دارنا والخير فالش و السعود

بأمـر الولي تبقين يا دار الفخـر متسيده

في ظل رايه دارنا الخضراء وحكم ال السعود

الشعب يفخر و يتفاخر بالـولاء يـا سيـده

هذا الوطن غالي ايه الوطن غالي

سعودي يا سعودي يا سعودي يا سعودي

يا دارنا دار الفخر و البطولة

ديرة هل العوجا سلايل كحيلان

عبدالعزيز ابو الكرم والرجوله

عسى على قبره غزيرات الأمـزان

على الحكم حكّم و وثّق قفوله

في ليلةٍ فيـها للأمجاد عنـوان

الحكم لله يـوم صوّت بـقوله

قال الحكم ثابت على مر الازمان

الحكم لله و وهبـه للحمـوله

حمولتن من فضل ربي لهم شان

عبدالعزيز اللي مورّث فحـوله

من عهد اخو فيصل ليا عهد سلمان

سلمان سلمان الحزم من يطوله

سلمان سلمان الفخر طلق الايمان

الـفـارق اللـي بـايـنـاتـن فـعـوله

للحق حق و للصعيبات مزبان

على يمينه دولةٍ وسط دولـة

محمـد اللي في المهمات ما لان

اقبل سليل المجد مسرج خيوله

واحيا معـه ذكرى معزي و راكان

هز الدول والمبغضين شهدوله

من قبل يشهد له محبين واعوان

يا موطني والك المشاعر عجولة

وانا ادري انك ما تقدر بالاثمان

يوم الوطن جات احتفالك مهوله

في كل بيت و ديرة اشكال و الوان

بيعة وفا ما هيب نقد و عموله

محبةٍ في سيد العرب سلمان

هذي بيوت الشاعر اللي صفو له

هواجس افكاره وجرّن الالحان

جاتك معطرها دهن نصف تولـه

فيها الولا و المفخرة سر واعلان