كلمات اغنية عابر سبيل عبدالرحمن الصباحي 2025

الوقت مثل السيف يا عابر سبيل

إن ما قطعته يقطعك في كل حال

لاترهن الغايات للطرف الكحيل

اوضع لدورات الزمن ألف احتمال

كذاب ذي قال المعالي مستحيل

وإن النجاح أصبح في الواقع محال

من زارع الخيرات يبشر بالحصيل

ولو زرعها بالصحاري و الرمال

حاول ولو تفشل دع اليأس الهزيل

ولا تدع لإبليس في دربك مجال

أرفع حمولاتك على ظهرك وشيل

واقطع مراحلها ولو كانت طوال

وان شفتها جارت وقدامك نقيل

خفف حمولاتك وعادك بالسفال

كلن على وسعه و مجهوده يشيل

ذي ما يناسبه البقاء شد الرحال

وما وصال الا ومن بعده رحيـل

وما رحيل الا ومن قبله وصال

مايهتدي للحق من فكره ظليل

لأن الهدايه نور مافيها ظلال

وفطرة الله سايرهز في كل جيل

إن الاجابه ماتجي قبل السؤال

من عاش رافع هامته مثل النخيل

يموت شامخ بالبساله والنضال

ومن حفر حفره وقع فيها قتيل

ومن غدر في صاحبه شاف الهوال

يموت ابووجهين لو عمره طويل

ويعيش ذكر الأوفياء في كل بال

واهل المصالح مالهم قوه وحيل

خيالهم واقع وواقعهم خيال

بعض البشر لا قد معه آخر موديل

ينساك ماعد يذكرك لو بإتصال

ولو تهون العافيه عند العليل

ماهانت العشره على اولاد الحلال

لو لا القناعه مارضينا بالقليل

لو لا المعزه ماتحملنا الثقـال

لو لا ظلام الليل ذي ما له مثيل

ما للقمر مقدار باانصاف الليال

ماكل مفقود(ن) تلاقي له بديل

لايستوي اهل اليمين واهل الشمال

يفرق سمين الفعل عن فعل الضئيل

فرق الثرياء والثراء قال المثال

والمرجله بالفعل والقول الجزيل

ما تنفع الأقوال من دون الفعال

والصمت حكمه في زمن قالت وقيل

والعذر شيمه لا ارتفع صوت الجدال

مانضحك إلا ستر لأصوات العويل

ونقهر أعدانا ونرفق بالعيال

يامكثر الأصحاب في الوقت السهيل

وبالظروف الصعب والشده قلال

وذي سقونا المر عُقب السلسبيل

هم ذي سقيناهم من العذب الزلال

جربتهم مادام لي غير الاصيل

وما صفو لي منهم غير الرجال

وما يفسل بالرجال إلا الذلـيل

يسترخص الغالي ومايسوا ريال

لو مال ذي ماكنت متوقع يميل

مااميل لو مالت عن الارض الجبال

ما للتخلي ساعة الحاجه سبيل

ولا لغدر الوقت في ظهري مجال