كلمات اغنية مجرور كنوز الارض عبدالرحمن بن لويفي 2023

مجرور كنوز الارض

ياخاطرن طاب والدنيا حلل وارتحال

ماضاقت الارض بالساري مناكيبها

لو كلفت طرقة ن تحفي خفاف الجمال

ساريبها لين ما تثني عراقيبها

اكثر من الحاجة الْ شرب وطعام وظلال

محتاج لاارض ن خلا اذن واصليبها

في ساعة الكون كله في رجا وابتهال

تعانق النفس خشتعها وتانيبها

انا ليا ربي احسن بحسن المآل

ماقول عيني من الايام ياشيبها

بستلحق اللي بقى فالعمر لو هي ليال

لو مابقالي سوى ليله افْ وديبها

ماني بمجبور اعيش العمر ساحة قتال

معارك ابليس بااخرها يغنيبها

عن ازدحام الحقيقة وازدحام الخيال

محتاج فترة غياب لنفسي اغيبها

كم لي مقصر بوصل الناس والاتصال

مستطرب الديرة اللي عاوي ن ذيبها

والي ادور عليه بفترة الاعتزال

اعيد ترتيب نفس اهملت ترتيبها

من كثر ماكنت بالعربان مشغول بال

آطى على الجمرة الحمرا ولا ادريبها

ومن كثر مااحفيت رجلي بين روح وتعال

من خاطر اقضي والبيها مطاليبها

مااراعي جروح رجلي بـ الحمول الثقال

اقول تنزف وتقعد ويش اسويبها

نهاري آقف معا رجال مستور حال

لو تنعرض لي كنوز الارض ماليبها

حملني اسمي بحمل ن كبر حمل الجبال

ماودي امد مده غير وافيبها

النية الطيّبة والطيبة راس مال

نفوسنا ماتكب الطيب من طيبها

ماتنلحق بالحسايف طيبات الفعال

لوهي لفت قوم ماهم من معازيبها

حسنات تدفع بلا في مقدمات الليال

يوم الرزايا تشرّف في مراقيبها

تفنى الليالي ويبقى ماتخبر الرجال

اليا فنت رووس الاموال ومناديبها

حنا ورانا رواه ومن ورانا عيال

تبشر ببيض السوالف في مكاتيبها