كلمات اغنية من ٣٠٠ سنة عبدالعزيز العليوي 2026

من ٣٠٠ سنة

من (ثلاث إمية) سنه مجدنا فوق السحاب

من (ثلاث إمية) سنه طفنا آفاق الصعاب

من (ثلاث إمية) سنه دربنا درب الصواب

من (ثلاث إمية) سنه تحت ظل ابن سعود

من بناء دار السعودي وأسس المجد العظيم

حملة التوحيد أسس نهجها عوق الخصيم

حاكم ن بالحق ثبتها علي الوضع السليم

قائد جيوش العداله ي محمد بن سعود

من على نهجه مشينا واعتلينا كل قمه

وارتقينا للسحاب بعزم وبقوه وهمه

في خطاه المجد زايد لين صرنا خير امه

سار تركيّ ابن عبدالله ولا اخلفنا الوعود

واحتمى بالسيف الاجرب دونها ذاك الإمام

الملك عبد العزيز إلى الأمام إلى الأمام

السعودي تحت ظله لا يهان ولا يضام

والشعار الله وأكبر والشعَب كله جنود

الحزم والعزم سلمان الفخر سيفه صقيل

عزنا متوارثينه عز جيل ن بعد جيل

راية التوحيد عليا لا نحيل ولا نميل

والسعودي أمنياته مالها عنده حدود

وأسس الرؤيه محمد ابن سلمان وصعد

تاقف الحكام لوقوفه وتقعد لا قعد

قايد العالم و الامه تفخر بوجه السعد

والتقدم والحضاره كل يوم ن في صعود

ذا محمد ذا محمد ذا محمدنا العزوم

في سما الامجاد حلق فوق وصقوره تحوم

فوق فوق وفوق فوق وفوق فوق المجد دوم

الاسد نسل الاسود اللي علي العالم تسود

شعبنا عايش بظله في نمو و فإزدهار

ملهم و قايد طموح من انتصار الى انتصار

يا الزعيم ابن الزعيم إلك الزعامه بإختصار

يا محمد يا منوّخ كل كايد .... ما يكود

همة الشعب السعودي عانقت قمة طويق

كلنا نتبع مسارك ... كلنا نفس الطريق

انت بيرق شعبنا يا البيرق اللي له بريق

بيعتك برقابنا طول العمر يا ابن سعود