كلمات اغنية ترند السعودية عبدالله الصخابرة 2025

يوم الوطن فيه كل ً يحترف فنّه

والفرحه اترند بااقلوب السعودية

هنا ( منار الطريق ) ومنبع السنه

هنا نزول آخر الكتب السماويه

هنا ( مغنّ الصحيح ) اللي كلح سنّه

من شان نبذ ( التطرف والكراهيهّ )

هنا السعوديه اللي نارها جنّه

دوله على الشعب شدّتها محنّيّه

تمضي وتمشي بروية قايد العنّه

الرويه اللي تجلّت بالشفافيه

تنمّي الفرد وتراعيه وتحنّه

وتعزز الحفظ للخمس الضروريه

نجاحها بالعيون اللي تحرّنه

ابين من الشمس قبل تزول بااشويه

( منارً ) عيون خلق الله يشوفنّه

ومشاهداته محليّه ودوليّه

مزبان من شان وقته واختلف ظنه

وشانت وبانت وجاه الذيب واوخيّه

حتى الظروف الشداد اللي يحدنه

تقول مالك ملاذ الاّ السعوديه

ويزبن عليها ليا اقرع كنّه الشنّه

من دون سابق ( تعارف واتّفاقيّه )

ويلقى برادً يطفّي لاهب الكنّه

وحرزً يدفّي بعزّ المربعانيّه