كلمات اغنية لاني علي بن محمد 2025

لاني بجايع ولا ضميان

والبس من الخام واطشه

ومن فضل ربي كذا قنعان

ولا تفارق حجاجي البشه

ولاحتاج غيره عظيم الشان

اللي يغيث أرضه برشه

وان سكرو عني البيبان

لي رازق الطير في عشه

اهم حاجه اعيش انسان

مابوق في شخص واغشه

ولأني من احدن ابد زعلان

ون ضقت دورة لي طشه

لون جيبي ماهو مليان

ماذخر لباكر ولا قشه

وراع الهوى دايمن تعبان

طير ومحابيله اطشه

ويلي تبي تعلي البنيان

لاتخلي القاعده هشه

واضرب طريق السنع يافلان

ودرب الوعر بالك تخشه

وفي ذا الزمن جامل العربان

ولو ما عجبك طبعهم مشه