كلمات اغنية القلب الشغوف عماش الشيباني 2021

القلب الشغوف

يا خاطري تكفى طلبتك لا تفكر فالظروف

اطلق حْجاجك والحياه الفااانيه لا تعقده

والله ما عوّدتك على حب الايادي والكتوف

إمعودك على الكرررااامه والكرررااامه مجهده

يا خاطري وقتي جعلني مثل ما عينك تشوف

أَسعِد لي قْلوب ومعي قلبٍ يبى من يسعده

آجامل العالم واطوّف لي علوومٍ ما تطوف

واللي يطوف الوقت ، ولاّ اهل الكلام مجدّده

عقارب الساعه ليا ميّزتها مثل السيوووف

تقطع من سْنين الحياه وْتلحق الرجل سْنده

وآنا على دربي وعزمي ما قصر دون الشفوف

ابلغ مرادي واشكر الله كل ساااعه واحمده

لكِن ماجاب أقصاي وأقصاني مثل ذيك الهنوف

بنت ابلجٍ من يزبنه والله ليبشر بسسسعده

إتقول بالجنه مبششر كل ما شاف الضيوف

من طيب راسه مستراح المال في راحة يده

تبجحت في ضفّه وصارت من الزمّه عيوف

يجي لها الخطاب ويعوّد وفالكبد لهده

رعبوبةٍ لا طبت المسرح ودقو بالدفوف

خلت قلوب المترفات إتشب نارٍ موقده

اليا وقفت تقول ما من حولها غيدٍ وقوف

واليا جلست ساقو لها اللي بالقناد مقنده

تعبت اوصّفها وتعّبت القوافي والوصوف

على هدبها كلّ قاف اوقفه واقعده

واليوم لاوالله قصيدي يشلع القلب الشغوف

راع المحبه كل ما اكتب بيت راح يردده

مرت عليّ سنين وضلوعي تصاليها الحسوف

عيى عليييييها حظي اللي ما يفارق مرقده