كلمات اغنية ظلام اليل عماش الشيباني 2025

مع ظلام الليل راسي لابات ولا استراح

بين دوامة مشاعر وامورن مرهقه

المواقف جايره والمشاعر في اجتياح

بين حزن وبين فرحة وضيقة واغلقه

يكتم اشعوره بضحكة وداخلها صياح

ايتظاهر بالسعادة وضيقة محرقه

ماورى كبت المشاعر سعادة وانشراح

كودن جرحن ماتشافى وضيقن مقلقه

تنزف اجروحه لنفسه وياكثر الجراح

تحزنه وتزيد همه ودايم تلحقه

طال صبره وانتهى والعزم ولا وطاح

وين يلقى له طريقً وشمسً مشرقه

كيف يشكي؟ ليه يفضفض؟ تبا تزيده جراح ؟

مستحيل يقول ما صار له لو تشنقه

وكيف يجحد شي شافة على صح وصحاح

الصدوق يكذبة ! والكذوب يصدقه !

زدت همه فوق همه وهمه مايزاح

الكلام اللي تقوله هذا لاتنطقة

يدري ان الوقت قاسي ولافيه ارتياح

مير مايدري متى الضيق عنه يعتقه

من يعاني في زمانه ولاعنده سلاح

ساق عمره دون عمره وهمه يفهقه

طيبً من طيب راسه ما بيدينه شحاح

مايبا اللي يضيق وظروف وقته تغرقه

رغم ماواجه وذاق العنا ليل وصباح

كل طالت طيب محدن عليها يسبقه

مايهمه كلمت الناس واعدا النجاح

ماصغر في عين نفسه وهو قد الثقة

يدري انه شاعرن يعقد السحر المباح

لاكتب مايكتب الا قصيد معلقه