كلمات اغنية ياعظيمة عماش الشيباني 2025

من طروق القصيد ومن كثار الاسامي

وش تفيد المشاعر كانها دون قيمه

والله اني لا اموت ولا نطقت انهزامي

وش يفيد المغامر دام مابه غنيمه

ياعظيمة ترا المقصود بصمة أبهامي

بصمة أبهام هزت كل حاجه عظيمه

وانتي اللي خذيتي من صميم اهتمامي

كيف ابنساك وقليب المولع خصيمه؟

انتي اخذي عزاوي من مفاخر مقامي

مثل ماخذ من عيونك سلاح وهزيمه

يوم حرب المشاعر دونها الضرب حامي

ماتركتك لو اني بـ ارتكب لي جريمه

في محبتك عشت اقوى حدود التسامي

ومن جمالك تقول الزين بعدك حّريمه

بين رمشً تقول  (( يرد عني سلامي ))

وبين عينً تقول اطرحك ياشداد ريمه!!

وبين خصرً تقول البطن جايع وضامي

وبين ردفً ماخلى خطوتك مستقيمه

النظامي لا شافك صار ماهو نظامي

والمعدد لا شافك كيف يقبل حريمه

[ ياقصيده كتبها من ضمير الزلامي ]

مثل ضيدان يوم انه كتب ياعظيمه