كلمات اغنية سل روحك عمر بن عضيب 2025

مرني ليلٍ بدونك غير عن باقي الليالي

كنه اول ليلٍ يحاصرني من اربع جهاته

غاب نورك وانسرق من صحبتي حتى ظلالي

لين هذرى دمعٍ ابطى ما تحرر من سكاته

سلّ روحك يا حبيبي ولّا انا مانيب سالي

انت في بالٍ تفاصيلك تلطّف ذكرياته

لو تفارق واقعي ما ودي تفارق خيالي

ودي ان قلبي يعيش اللي ما عاشه في حياته

بعدك الضحكه لها حالٍ سقيم وثوب بالي

ضحكة اللي ما يبي هزيمته تربك ثباته

ارسم الفرحه على وجهٍ من الامال خالي

والفرح على بساط الحزن حزن بـ حد ذاته

ادري ان لحظة فراقك فوق صبري واحتمالي

بس انا فوق انتباه الحاقد وعين الشماته

مستحيل ترجّع الدنيا مكانة شخص غالي

ساعة انه طاح من عيني مثل ساعة وفاته

لا انتهى عمر الغلا واقفت عن ديارك رحالي

لك يمينٍ بالله اني ما اتنازل بـ ألتفاته

صدة الخذلان ما فيها غرور ولا تعالي

يتجرّع مُرها اللي حبّك بـ كل استماته

هارب من الكلمه اللي لو قدرت تقولها لي

وين بلقى كلمةٍ تبعث شعوري من رفاته

ودي ارحل بـ الحياه الباقيه وابقى ألحالي

قبل اصير الميّت اللي ما يعزّى في مماته