كلمات اغنية جوك شتا عمر سهيل 2025

جوّك شتا لي يوم صدري بجوّه حر

وصوتك يطفّي لي بصدره لواهيبه

ومنادمك نسمات الشتا في خلو البر

ووجهك قمر يجلي الظلام وغياهيبه

على نار مشبوبه حطبها سمِر يدهر

لهبها يقدّم في حضورك تراحيبه

اباعيش به واسهر وأنسى عن الي مر

وانسى عن ضغوظ الزمان ومتاعيبه

اباشوف عودك والتفاتك بخد اعفر

ولبسٍ تفوّق بالاناقه وترتيبه

على خصرك الهايف وصدرٍ وحيب اكبر

جميل اعتزاله مالرمك ماخذٍ حيبه

ارى شفّتِك وردٍ وبين الورود الدر

حصابي لقطها الغيص لي متعبٍ سيبه

وبحر المحبه عن جميع البحور اغزر

وقلبٍ يحبك يسبحه ويش اسويبه

ابا البر ولكنّه بعيدٍ عليّه البر

وانا غمري ببحر الهوى وانت تدريبه

واسكر به ايامٍ وساعة بها اظهر

ولا مِنْك لي فزعه ولا منك لي ثيبه

تلاعب بي امواج البحر وانت تتخطّر

وانا اقاسي الوجدان والشك والريبه

ارى دون وصلي واقف لي بخط احمر

تدفعني الاشواق وتمنعني الهيبه