كلمات اغنية افرآح العواد عواد العواد 2025

افرآح العواد

ي هجوسي مالنا معذار ولا صده

حان ميعاد القصيد وحبكة القافيه

جيت في ميقاف ربعي والوفاء لابده

حاضرِ بالحفله الي ماهي بعاديه

عند هقوة من هقابي فاللزوم اسده

بعد توفيق الولي والوقفه الجديه

ما اتوخر عن لزومي لو اغيب مده

الغياب الي يطول أعوضه فالجيه

مرحباء في حلة الي كل ماقف قده

ذخر كساب الجميل ومكرم الطرقيه

له مع اهل الفعل فعل ان جاء نهار الشده

راعي الوقفات مع ربعه ومع عانيه

عقب صقورِ حرار ان في نهار الهده

نهجهم نهجه مع اهل الجاه والجاهيه

سد تركي بعد ابو تركي وكلاً عده

مع خوانه كلهم بالوقفه الفعليه

والثناء واجب علينا ماندور رده

وساعة الواجب تعد الساعه الحتميه

وليلنا هذا فرح مثل العياد نعده

يستحق اجمل بيوت النضم والرديه

في حفل عبدالعزيز اللي عريبٍ جده

والحضور مشرفين الحفله الرسميه

مرحبا ترحيبنا اللي كل يوم نعده

بالرجال اهل المكارم والفعول الحيه