كلمات اغنية الاد هامس عواد العواد 2025

الاد هامس

البارحه تداحمت شرد الافكار

في خاطري مثل الذهب فالخزينه

ارتب المعنى على الكيف واختار

قافً يشرف كاتبه من يمينه

يا مرحبا ترحيب وافين الاشبار

من قلب صافي بالوفا ناظمينه

عداد وبل ساقته غرٍ الامطار

يضفي و يروي ذايقة سامعينه

فالمحفل اللي مالاحد عنه معذار

والعذر حال العذر بيني وبينه

مبروك في محفل طويلين الاعمار

وامكرمين الضيف ومقدرينه

ربعٍ لهم عندي معزه ومقدار

ومن ينكر المعروف تبت يدينه

الاد هامس للكرم رمز وشعار

اهل السلوم الوافية و الثمينه

عمود بيت اهل الوفا واْهل الكار

من عهدنا الماضي وهم عامرينه

قومً لهم فالمجد تاريخ جبار

في صفحة الامجاد مستعمرينه

وصدورهم مرباع للضيف والجار

وللمستجير اللي يبا من يعينه

ودامت حياتك بالسعاده والإسفار

يا دخر شيخٍ بـالوفاء ذاكرينه

فهد ولد صالح من الربع الأخيار

الله على الطالة يطول سنينه

وربعه ذوي ختام في كل محظار

النعم ما بين العرب كاسبينه

تاريخهم يشهد لهم سر وجهار

بالفعل الابيض كلنا خابرينه